ട്രെയിലർ ..

നിലാവിന്റെ നേർത്ത ഉടയാടയണിഞ്ഞ്
ഓർമ്മകളിലേക്കു വരികയാണ്.
പ്രഭാതത്തിന്റെ കോഫിമണമായ്,
ധൃതിപിടിച്ചൊരു പ്രഭാത ഭക്ഷണത്തിന്റെ നിർബന്ധമായി
ഉച്ചയാകുമ്പോഴുള്ള ഓർമ്മപ്പെടുത്തലുകളായി
സായന്തനങ്ങളിൽ
പടിവാതിലിൽ നിറപുഞ്ചിരിയോടെ
വിടർത്തിട്ട ഈറൻമുടി തൻ സുഗന്ധമായി
ഊഷ്മള സ്നേഹത്തിൻ ചായക്കോപ്പയായി
അത്താഴത്തിനൊരുരുളവായായി
കിടക്കയിൽ ഒരു കാലുയർത്തി
തുടയിലേക്ക് വച്ചു,
പ്രണയത്തിന്റെ വിരലാൽ
മാറിലെഴുതും നഖചിത്രങ്ങളായി
ബ്ലാക്ക് ആൻഡ് വൈറ്റ് ചിത്രങ്ങളിലൂടെ
ഞാനഭിനയിക്കാൻ കൊതിച്ചൊരു
സിനിമയുടെ ട്രെയിലർ !
........ ബിജു ജി നാഥ് വർക്കല