Tuesday, February 4, 2014

മാറേണ്ടത് എന്ത് ?

ഇടിച്ചു നിരത്താതെ പോയ
കോണ്ക്രീറ്റ് മലകള്‍ ,
കെട്ടിയുറപ്പിക്കാതെ പോയ
അണക്കെട്ടുകള്‍,
നീതി ലഭിക്കാതെ പോയ
സ്ത്രീത്വങ്ങള്‍ ,
മറുപടി ലഭിക്കാതെ പോയ
അനാഥ ശവങ്ങള്‍.
ഒന്നും മാറിയിട്ടില്ലെങ്കിലും
പുതിയ മേച്ചില്‍ പുറങ്ങളില്‍
വിരാജിക്കുന്നതിന്നും
കേസരികള്‍ തന്നെ .
കസേരകള്‍ ഉറപ്പിക്കാനും
ഇളക്കാനും , പങ്കിടാനും
പാശുപതാസ്ത്രങ്ങള്‍ സ്വരൂപിച്ചുകൊണ്ട്
രഥങ്ങള്‍ മുന്നോട്ടുരുട്ടൂന്നു .
പുതിയ രസതന്ത്രങ്ങള്‍
കൗടില്ല്യസൂക്തങ്ങള്‍
രതിനിര്‍വ്വേദങ്ങള്‍
പട്ടിണിസമരങ്ങള്‍ .
മുഖങ്ങള്‍ മാറുമ്പോഴും
നിറങ്ങള്‍ മാറുമ്പോഴും
ഒന്നിനും ഒന്നും സംഭവിക്കുന്നില്ലിവിടെ .
---------------------ബി ജി എന്‍

2 comments:

  1. എല്ലാം അങ്ങനെ തന്നെ തുടരുന്നുവെന്നോ?

    ReplyDelete
  2. മാറുന്നില്ല ഒന്നും തന്നെ

    ReplyDelete