Wednesday, February 26, 2014

ഉറപ്പു


അകലങ്ങളില്‍
കാണാക്കയങ്ങളില്‍
ഒരു തേങ്ങല്‍ പോല്‍ നീയുണ്ട്
ഒരു മൗസ് ക്ലിക്കില്‍
ഒരു കാള്‍ബട്ടണില്‍
പെയ്തു തോരാവുന്നൊരു മഴയായി .
എങ്കിലും ഞാന്‍
ഒരിക്കല്‍പോലും നിന്നെ വിളിക്കില്ല .
കാരണം
ആ തേങ്ങലൊന്നായെന്റെ നെഞ്ചിലലച്ചു വീഴണം
ഒരു മഹാമേരുവായി
അതേറ്റു വാങ്ങണമെനിക്കൊരിക്കല്‍
പക്ഷെ എനിക്കറിയില്ല
തണുത്തുറയുന്ന ശവങ്ങള്‍ക്ക്‌
വികാരങ്ങളുണ്ടാകുമെന്നു .
ഉണ്ടാകുമെങ്കില്‍
ഞാന്‍ നിന്നെ വാരിപ്പുണര്‍ന്നേക്കും
-----------------------ബി ജി എന്‍

No comments:

Post a Comment