സഹചാരി

പാതയോരങ്ങളിൽ നീണ്ടു പോകുന്നൊരു
ഇരുണ്ട രൂപമാണ്  ഞാൻ പലപ്പോഴും
നിനക്ക് മുന്നേയും പിന്നേയും ഒപ്പവുമെന്നും
നിന്നോടൊപ്പം ഞാനുണ്ടായിരുന്നുവല്ലോ .

എന്റെ ദുഖങ്ങളെ നിങ്ങളെ തഴുകുവാൻ
ഒരുകാലവും ഞാൻ കൈനീട്ടിയില്ലെങ്കിലും
നിങ്ങൾക്കൊപ്പമുണ്ടായിരുന്നു ഞാനൊരു-
മിണ്ടാവൃതക്കാരനായി ചിരം നിന്നിലെന്നുമേ .

ഇരുട്ടിനെ ഭയമായിരുന്നെനിക്കെങ്കിലും
അറിഞ്ഞിരുന്നെന്നും നിൻ ചലനങ്ങൾ
നൊടിപോലും തടഞ്ഞതില്ലൊരിക്കലും നിൻ
ഇരുണ്ടമാർഗ്ഗങ്ങളെ പോലുമേ ഞാൻ .

എന്നും നിൻ പാദങ്ങളിൽ ഉരുമ്മിയൊരു
അരുമയാം വളർത്തുനായ പോലെ ഞാൻ
വാണിടും വീണുനീയോടുങ്ങുന്നൊരു നിമിഷ -
ത്തിൻ കയ്പ്പുനീർ കുടിക്കുംവരേക്കും ചിരം .
----------------------------ബി ജി എൻ