Saturday, June 30, 2012

ഇസങ്ങളുടെ സമവാക്യം


------------------------------------------------
ഇസങ്ങള്‍ക്ക് ഒരു ഐക്യം ഉണ്ടാകാം...!
അല്ലെങ്കില്‍  അവ എങ്ങനെ ഇത്ര സമരസമാകും ?
സ്വപ്‌നങ്ങള്‍ ഇപ്പോഴും ഇരുണ്ട ചുവപ്പിലാണല്ലോ
തനിമയുടെ നീലാകാശം തേടുന്നത് ...!

നിന്റെ മതത്തില്‍ വിശ്വസിക്കാത്തവന്‍ ,
നിന്റെ ദൈവത്തെ അമ്ഗീകരിക്കാത്തവാന്‍ ,
നിന്റെ ശത്രു എന്ന് എണ്ണുക നീ .
അവന്റെ ജീവനെടുക്കുന്നതില്‍ വേദന വേണ്ട ...!

പുറത്തു നിന്നും നിന്നെ എതിര്‍ക്കുന്നവനെയും
അവമാതിക്കുന്നവനെയും നിന്റെ ഖഡ്ഗം
വെട്ടി മുറിച്ചാല്‍ നീ നേടുന്നത് വീര സ്വര്‍ഗ്ഗം
നിനക്ക് ഉദ്യാനങ്ങളില്‍ കന്യകമാര്‍ വിരി വയ്കും ..!

നിന്നിലേക്ക് വരുന്നവന്‍ നിന്നില്‍ തന്നെ നില്കട്ടെ
ഇനി ഒരുവേള അവനു നിന്നെ വേണ്ടെന്നു തോന്നിയാല്‍
മുറിച്ചു നീക്കുക അവന്‍ ധരിത്രിക്ക് ഭാരം
അവന്‍ നിന്റെ കൊടിയ ശത്രു ...!

ചോരപുഴകളിലൂടെ  നീ പിടിച്ചെടുത്ത നിന്റെ മതം
അത് ഇനിയും പടര്‍ന്നു പന്തലിക്കട്ടെ ..!
ആകാശത്തിലെ താരകങ്ങളെ പോലെയും
കടല്‍ തീരത്തെ മണല്‍ത്തരികള്‍ പോലെയും ..!

നിന്റെ വര്‍ഗ്ഗ സിദ്ധാന്തങ്ങള്‍ എറിയുക നീ-
യീ വളക്കൂറുള്ള ഹരിത ഭൂവില്‍
ചോരകൊണ്ട് നീ തീര്‍ക്കുക പുതിയ ലോകം
ഉയരട്ടെ നിന്റെ നാമം അമര്ത്യനായി ...!

ജന്മിത്തത്തിന്റെ തലയറുത്തു നീ നേടുക
അടിമയുടെ വിശ്വാസകോട്ടകള്‍
നാട്ടു വളര്‍ത്തുക നീ പ്രതീക്ഷയുടെ ചുവന്ന
വിത്തുകള്‍ മണ്ണില്‍ നീളെ , മനസ്സില്‍ നീളെ

നിന്റെ വിശ്വാസങ്ങളില്‍ വിലയിക്കുന്നവനെ
നിന്റെ കൈകള്‍ക്ക് കോര്‍ത്ത്‌ വയ്ക്കാന്‍
മറു കയ്യാകുന്നവനെ നീ വളര്‍ത്തുക ഭൂമിയോളം .
അവനെ കോണിയാക്കി നീയെഴുതുക വിജയം ..!

നിനക്കൊപ്പം നടക്കുന്നവന്‍ നിന്റെ തേരാളിയാക്ട്ടെ.
നിന്നിലേക്ക് നീളുന്നവാല്മുനകള്‍ ഏറ്റുവാങ്ങി  ,
നിനക്ക് വേണ്ടി രക്ത സാക്ഷിയാകട്ടെ.
കാലം അവനെ അനശ്വരനാക്കും ...!

നിന്റെ വളം കായ്‌ നിന്നില്‍ നിന്നും അകലുന്നു ,
നിന്റെ ചിന്തകളെ ഇടം കണ്ണിട്ടു നോക്കുന്നു ,
നിന്റെ നാവിനെ നിശബ്ദ്നാക്കുന്നുവെങ്കില്‍ .
അരിഞ്ഞു കളയുക അവനെ നീ നിഷ്കരുണം ..!

അക്ഷരമാല ക്രമത്തിലും ,പ്രായത്തിലും,
തെറ്റിന്റെ  വലിപ്പത്തിലും നീ കല്‍പ്പിക്കുക
അവന്റെ തലച്ചോറുകള്‍ തകരുവോളം
എണ്ണം തെറ്റാതിരിക്കുവാന്‍ , മറക്കാതിരിക്കുവാന്‍ ...!

മതം മനുഷ്യനെമയക്കി കിടത്തും കറുപ്പെന്നു
മതത്തെ നോക്കി പറയാന്‍ പഠിപ്പിച്ചവന്‍
അറിയാതെ പോയൊരു സത്യമുണ്ട് ..
മതമല്ല ഇസമാണ് കറുപ്പെന്നു ,വിഷമെന്നു ...!
------------------ബിജി എന്‍ ------------------

No comments:

Post a Comment