Friday, June 22, 2012

മംഗളങ്ങള്‍ നേരുന്നു

വേദനയുടെ അശാന്ത പര്‍വ്വങ്ങളിലും
മനസ്സ് മന്ത്രിക്കുന്നത് മംഗളങ്ങള്‍ മാത്രം ..!
ഇലകള്‍ കൊഴിയുന്ന വിരഹമാസത്തിന്റെ
ചൂരും ചൂടും മറന്നുവെങ്കിലും,
പ്രവാസത്തിന്റെ നേരിലും നന്മയിലും
മണല്‍ പൂക്കള്‍ വിരിയുമ്പോള്‍ ,
മനസ്സ് മന്ത്രിക്കുന്നത് മംഗളങ്ങള്‍ മാത്രം ..!

പിരിയുവാന്‍ വിടാത്ത മനസ്സ് പിന്നെയും
ഗദ്ഗദം നിറച്ചു പുഞ്ചിരി പോഴിക്കുമ്പോഴും ,
പോയ കാലത്തിന്റെ മാധുര്യമൂരും ഓര്‍മ്മകള്‍
തിരയിളക്കം പോലെ നെഞ്ചില്‍ തിരതല്ലുംബോഴും,
മനസ്സ് മന്ത്രിക്കുന്നത് മംഗളങ്ങള്‍ മാത്രം .!

വീണ്ടും ഒരു സംഗമം തിരയുന്ന
സായാഹ്നം വരേയ്ക്കും
നിന്റെ ഓര്‍മ്മകള്‍ എന്നില്‍ നിന്നും
പൊഴിയാതിരുന്നെങ്കില്‍
നമുക്ക് നാമൊരു പാതയായിരുന്നെന്കില്‍
ഇനിയുമൊരുയാത്രയില്‍ കണ്ടു മുട്ടും വരെ
മനസ്സ് നിറഞ്ഞ മംഗളങ്ങള്‍ ...........
-----------------ബി ജി എന്‍ ---15.06.2012

No comments:

Post a Comment