Tuesday, September 6, 2016

പ്രണയത്തിന്റെ പ്രായം.


ഉല്ലേഖനം ചെയ്യപ്പെട്ട
പ്രണയത്തിനൊക്കെയും
ഇല്ലില്ല പ്രായത്തിൻ വേരുക -
ളെന്നാലും ഇല്ല നീ പോരില്ലേ കൂടെ?

കനവുകൾക്കപ്പുറം നീ
ചെറുകുടിലിലെ ഗൃഹനാഥയാകിലും.
പറയാൻ മടിക്കുന്നു ലോകമേ
നിന്നിലും  പ്രണയമങ്കുരിക്കുന്നുവെന്നോ?

കാമത്തിൻ വേരുകൾ
മരവിച്ച മണ്ണടിയിലുറക്കമെന്നാകിലും
ത്രസിക്കും മുലഞ്ഞെട്ടൊളിപ്പിച്ചു
നീ നിരസിക്കുന്നതെന്തു നിൻ മനത്തെ.

പറയുക നീ നിന്റെ ചുളി -
വാർന്ന വിരലുകൾ മറയ്ക്കാതെയിന്നു.
നരയല്ല ജരയല്ല ജീവസ്സുവാർന്നിടാ
മനമാണ് നിന്നിലെ പ്രണയജലമെന്നു.
....... ബിജു ജി നാഥ് വർക്കല

1 comment:

  1. നല്ല വരികള്‍
    ആശംസകള്‍

    ReplyDelete