Friday, September 9, 2016

ഞാനൊരു ഗവേഷകനാവുന്നു.


കണ്ണുകൾക്ക് സംസാരിക്കാനുണ്ട്
സ്നേഹത്തെക്കുറിച്ചും
കാമത്തെക്കുറിച്ചും
വാത്സല്യത്തെക്കുറിച്ചുമെല്ലാം.

ചുണ്ടുകൾ സംസാരിക്കും
പ്രണയത്തക്കുറിച്ചും
ദാഹത്തെക്കുറിച്ചും
അവഗണനയെക്കുറിച്ചുമെല്ലാം .

നിന്നെ നോക്കിയിരിക്കുമ്പോൾ
ദാഹമില്ലാത്ത ചുണ്ടുകൾ
കാമമില്ലാ കണ്ണുകൾ
രതിയില്ലാത്ത ശരീരഭാഷ...
ഞാൻ നിന്നിലേക്ക് തന്നെ നോക്കുകയാണ്.

ജ്ഞാനികൾ കാണാതെ പോയ
നിന്റെ ശരീരഭാഷ
നിന്റെ മിഴികളിൽ ഒളിപ്പിച്ച
നിഗൂഢ ശൈത്യം
നിന്റെ അധരങ്ങൾ മൊഴിയും
രഹസ്യ ഭാഷ ...
ഞാനൊരു ഗവേഷകനാവുന്നു .
...... ബിജു ജി നാഥ് വർക്കല

1 comment:

  1. ജ്ഞാനിയല്ലാത്ത ഗവേഷകന്‍
    ആശംസകള്‍

    ReplyDelete