കൗമാരത്തിൽ
അധിനിവേശത്തിന്റെ
കുതിരക്കുളമ്പടിയിൽ
ഉടലാകെ ഉടഞ്ഞുപോയവൾ.
യൗവ്വനത്തിൽ
കൊളോണിയലിസത്തിന്റെ
നഖങ്ങളിൽ പെട്ടു
നഗ്നതകളിൽ നിണം പൊടിഞ്ഞവൾ.
മധ്യവയസ്സിൽ
ഇസങ്ങളും വിശ്വാസങ്ങളും
വലിച്ചു കീറി ഉപ്പു തേച്ച
വൃണങ്ങളിൽ പുഴുവരിപ്പവൾ.
വലിച്ചു കീറപ്പെട്ട ഉടയാടകളും
പിളർന്നു വച്ച ഹൃദയവും
തച്ചുതകർത്ത തലച്ചോറുമല്ലാതെ
വാർദ്ധക്യത്തിലേക്ക്
നിനക്കെന്താണ്
കാലം കരുതി വയ്ക്കുന്നത്.?
..... ബിജു ജി നാഥ് വർക്കല
No comments:
Post a Comment