Wednesday, October 21, 2015

ഒരിക്കലും നീയെന്നെ പ്രണയിച്ചിരുന്നില്ലല്ലോ..!


പ്രണയത്തിന്റെ ആദ്യപാതിയില്‍
നീയൊരു കന്യകയായിരുന്നു.
നിന്നില്‍ സ്നേഹവും കൗതുകവും,
മധുര വചനങ്ങളും നിറഞ്ഞിരുന്നു .
ഞാനോ, നിന്നില്‍ പ്രണയം തിരയുകയായിരുന്നല്ലോ

പ്രണയത്തിന്റെ രണ്ടാം പാതിയില്‍
നീ കാമുകനാല്‍ ഗര്‍ഭിണിയും,
ഭര്‍ത്താവിന്‍ സ്നേഹരാഹിത്യത്താല്‍
പരിക്ഷീണയായോരാളായിരുന്നു .
ഞാനോ, നിന്നെ രക്ഷിയ്ക്കുകയായിരുന്നു .

പ്രണയത്തിന്റെ മൂന്നാം പാതിയില്‍
നമ്മളകലങ്ങളിലായിരുന്നു.
ഭര്‍ത്താവിനും കാമുകനുമിടയില്‍
നീയൊരു പാത തിരയുകയായിരുന്നു.
ഞാനോ, നിനക്ക് മംഗളങ്ങള്‍ നേരുകയായിരുന്നു .

പ്രണയത്തിന്റെയീ അവസാന പാതിയില്‍
നിന്നില്‍ നിന്നും പറിച്ചു കളഞ്ഞോരാ
കുഞ്ഞിന്‍ മുഖമെന്നെ നോവിയ്ക്കുമ്പോള്‍ ,
ഞാനോര്‍ക്കുന്നുണ്ടേറെ വേദനയാല്‍ .
ഒരിക്കലും നീയെന്നെ പ്രണയിച്ചിരുന്നില്ലല്ലോ..!
-----------------------------ബിജു ജി നാഥ്


2 comments:

  1. വൈകി വരുന്ന തിരിച്ചറിവുകള്‍

    ReplyDelete
  2. എങ്ങുമെങ്ങുമെത്താതെ.............
    ആശംസകള്‍

    ReplyDelete