ഒരു നാള്‍ വരും
ജീവിതത്തിന്റെ വസന്തങ്ങള്‍ നഷ്ടമായ
ഇരുണ്ട ഒരു കാലം വരും .
നീയും ഞാനും
ആസക്തികള്‍ ഇല്ലാതെ
വരണ്ടു ച്ചുളിഞ്ഞിരിക്കും അന്ന് .
നിന്റെ അഴുക്കു പുരണ്ട നഖങ്ങള്‍ ,
നിന്റെ കൊഴിഞ്ഞു പോയ മുടിയിഴകള്‍,
അയഞ്ഞു പോയ നിന്റെ മുലകള്‍ ,
നഷ്ടമായ പല്ലുകള്‍ ,
മങ്ങിയ കാഴ്ചകളില്‍ നിന്നുകൊണ്ട്
നമ്മള്‍ കാണും .
വിറയ്ക്കുന്ന കരങ്ങള്‍
പരസ്പരം എന്തോ ഉറപ്പിക്കാന്‍ വേണ്ടിയെന്നോണം
നാം മുറുകെ മുറുകെ പിടിക്കും .
അന്നും
എന്റെ ചുണ്ടുകള്‍ ദാഹിക്കുക
നിന്റെ മുലകളില്‍ നിന്നും ഒരുതുള്ളി സ്നേഹമാകും .
നിന്റെ മടിയില്‍ ഒരു കുഞ്ഞായമരാന്‍
ആസക്തികള്‍ ഇല്ലാതെ
നീയെന്നെ ചേര്‍ത്തു പിടിക്കുന്ന നിമിഷം .
നാം അവിടെ അവസാനിക്കുമെങ്കില്‍ ...!
--------------------------ബിജു ജി നാഥ്
ആശംസകള്
ReplyDeleteകവിത ഇഷ്ടമായി
ReplyDelete