Wednesday, September 4, 2013

കനല്‍ യാത്രകള്‍


വിരസതയുടെ പകലുകള്‍ പെറുക്കി വച്ച്
ഇരുട്ടിന്റെ കൂട് കൂട്ടുമ്പോള്‍
അലസതയുടെ പേറ്റുനോവില്‍ വീണൊരു
സ്വപ്നം പുഞ്ചിരിക്കുന്നുണ്ട്‌ .

മറക്കാന്‍ കഴിയാത്ത ഓര്‍മ്മപ്പൂവുകള്‍
വാരി കൂട്ടിയിരുളില്‍ -
കൊരുക്കുവാന്‍ വാഴനൂലിന്റെ
പഴുതു  തേടുന്ന മാനസം .

കരയുവാന്‍ കഴിയാതെ മിഴികള്‍ പിടയ്ക്കു -
മീ രാവിന്റെ ദുഃഖം ഞാന്‍ കടമെടുക്കട്ടെ .
ഒഴുകുവാന്‍ കവിളുകളില്ലാഞ്ഞശ്രു -
വൊഴുകുന്നു സമതലങ്ങളിലൂടെ .

പൊടിക്കാറ്റു വീശുന്ന മണല്‍ക്കാടുകളില്‍
നിന്റെ പദചലനം തേടി മൌനം -
മൂടിക്കെട്ടിയ രാത്രിവണ്ടിയില്‍
നക്ഷത്രങ്ങളെ സാക്ഷി നിര്‍ത്തി യാത്ര തുടരുന്നു .
-----------ബി ജി എന്‍ വര്‍ക്കല ---------

3 comments:

  1. യാത്ര തുടരു..ശുഭയാത്ര നേരുന്നു.

    ReplyDelete
  2. നക്ഷത്രങ്ങള്‍ സാക്ഷി

    ReplyDelete