ഒരു ചുംബനംകൊണ്ട് തോരാത്ത കണ്ണീർ-
തുള്ളികളാ കവിളുകളെ നോവിക്കുമെങ്കിൽ ,
പകരമിതെന്തു നല്കുവാൻ പ്രിയേയെൻ -
വ്രണിത ഹൃദയം നുറുങ്ങുവതറിയൂക നീ.
ഒരു ചെറുകാറ്റിൻ രവമിന്നു നിന്നുടെ -
നിദ്രയെ അലോസരമാക്കുന്നുവെങ്കിൽ,
ജാലകവിരിയിലെ നേരത്ത വിഷാദമായ്
ഞാനരികിലുണ്ടെന്നോർക്കുക നീ പ്രിയേ .
ഒരു കുഞ്ഞുമന്ദഹാസം വിരിയുമീ
അധരങ്ങൾ പൂത്തുവിടർന്നുവെങ്കിൽ !
അതുമതിയോമലേ അമരുവാനീ
മൃതിയുടെ കയ്യിലാമോദമാവോളം .
----------- ബി ജി എൻ വർക്കല -----
No comments:
Post a Comment