പകലടങ്ങോളം മുടന്തി നീങ്ങും
സൂര്യ, നിന്‍ താപം സഹിക്ക വയ്യ!
രാവ് പുലരും വരെ കൂടെ നില്കും
പൂര്‍ണ്ണിമേ നിന്നെ പിരിയ വയ്യ!
ഭൂവിതില്‍ രാവും പകലും മാറി
രാവുകള്‍ മാത്രം നിലനിന്നുവെങ്കില്‍.
എന്ത് സുഖമായിരുന്നു നിത്യം
തിന്നും കുടിച്ചും രമിച്ചും ചെമ്മേ!
ഇല്ല കാണണ്ട ചോരപ്പുഴകള്‍.
ഇല്ല കാണണ്ട ജാതിപ്പോരും.
എങ്ങും തണുത്ത നിലാവ് മാത്രം
എങ്ങും നിശബ്ദസംഗീതം മാത്രം !
ഇല്ല മത്സരങ്ങള്‍ ഒന്നിനായും
ഇല്ല പണപ്പെരുപ്പ ബുദ്ധിമുട്ടും
എങ്ങും നിറയുന്ന ശാന്തിയിതില്‍
തിങ്ങുമാ സന്തോഷവീചികള്‍ നിത്യം!
-----ബിജു ജി നാഥ് വർക്കല
-----ബിജു ജി നാഥ് വർക്കല
No comments:
Post a Comment