കനലണഞ്ഞ മനസ്സിലിപ്പോൾ
ഡിസംബറിന്റെ തണുപ്പാണ്.
തിരകളില്ലാത്ത കടലുപോലെ
ഹൃദയവും മയങ്ങുന്നു.
പൂവിടാത്ത മരംപോലെ
പ്രതീക്ഷകൾ നരച്ചുപോയിരിക്കുന്നു.
ഏതോ ചരടുകൾ കൊണ്ട്
ജീവിതം ബന്ധിക്കപ്പെട്ടിരിക്കുന്നു.
ഇപ്പോഴതിൽ പ്രണയത്തിന്റെ
തീരാമഴകളില്ല
പരിഭവത്തിന്റെ പിശറൻ കാറ്റില്ല.
രതിയുടെ തേനീച്ചകൾ
മുരളുന്നുമില്ല.
മതവെറികളുടെ ചോരച്ചാലുകൾ
മനസ്സിനെ നടുക്കുന്നില്ല .
ഫാസിസത്തിന്റെ നീരാളിക്കൈകൾ
ചിന്തയെ ഭീതിപ്പെടുത്തുന്നില്ല.
പോരാട്ട വീര്യം ചോരയെ
ത്രസിപ്പിക്കുന്നുമില്ല.
കനലണഞ്ഞ മനസ്സിലിപ്പോൾ
ഡിസംബറിന്റെ തണുപ്പാണ്.
ശവപ്പെട്ടിയിലsച്ചു മണ്ണിൽ താഴ്ത്തിയ
ശരീരത്തിന്റെ സാന്ദ്രത .
ഇനി ഞാൻ മരിച്ചതാകുമോ ?
....... ബി.ജി.എൻ വർക്കല
No comments:
Post a Comment