-
ഏതോ വിദൂരമായ ഓര്‍മ്മയില്‍ നിന്നും
നാമിരുവരും ഒരു യാത്ര പോകുന്നു,
വിജനമായ റോഡിനിരുവശവും
റബ്ബര്‍ മരങ്ങള്‍ തണല്‍ വിരിച്ചിരിക്കുന്നു
റിയര്‍മിററില്‍ പതിഞ്ഞ നിന്റെ മുഖം നോക്കി
വഴികളറിയാതെ ഞാന്‍ മുന്നോട്ടു പായുന്നു .
പിറകിലമര്‍ന്ന നിന്റെ സ്നേഹം കുടിച്ചു
വഴികള്‍ മറന്നു ഞാന്‍ മുന്നോട്ടു പായുന്നു .
വിദൂരതയിലേക്ക് മിഴികള്‍ പായിച്ചു
സഫലമാകാതെ പോയൊരു സ്വപ്നത്തില്‍
നീയോ നിശബ്ദയായിരിക്കുന്നു .
നിന്റെ മിഴികളില്‍ നോക്കി ഞാന്‍
മുന്നോട്ടു പായുകയാണ് .
റിയര്‍വ്യൂ മിറര്‍ എനിക്ക് വഴികാട്ടിയാകുന്നു
പകല്‍ എരിഞ്ഞു കത്തുന്നുണ്ടെങ്കിലും
നാമതറിയുന്നതെയില്ലല്ലോ.
----ബിജു ജി നാഥ് വര്‍ക്കല -----
No comments:
Post a Comment