പുലപ്പേടി

പുലപ്പേടി
..................
പണ്ടൊക്കെ
തമ്പ്രാനാരുന്നു  എല്ലാം...
ഉടുക്കാനും
ഉണ്ണാനും
പായ വിരിക്കാനും
തമ്പ്രാൻ പറയും.
പിന്നാണ് സോഷ്യലിസം വന്നത്.
നമ്മള് കൊയ്യും വയലെല്ലാം
നമ്മട താടീന്നു
ചെറുമൻ പാടീത്.
നമ്പൂരിയൊക്കെ തലപ്പത്ത് നിന്നിട്ട്
സിന്ദാബാദ് വിളിപ്പിച്ചത്.
അടിയാനില്ല
ഉടയോനില്ല
എന്നൊക്കെ കേട്ടു രോമം എണീറ്റത്.
പിന്നെപ്പിന്നെ
നമ്മൾ അധികാരത്തിൽ വന്നു.
നോക്യപ്പം തമ്പ്രാൻ തന്നാ തലപ്പത്ത് .
ചോവത്തിയെ തഴഞ്ഞപ്പം
നമ്മളു മിണ്ടീല
പൊലയക്കുടിലിൽ പനമ്പായയിൽ
ഒളിച്ചു കിടന്നോർ കടന്നു പോയി .
അധികാരം ല്ലാർക്കും കിട്ടി.
പ്രസിഡന്റ് വരെയായി.
ന്നിട്ടും നമ്മടെ നാട്ടിൽ വന്നില്ലടി
പുലയൻ ഭരിച്ചു നമ്മൾ മരിക്കില്ലടി.
ഇപ്പഴും തമ്പ്രാക്കൻമാർക്ക് നമ്മൾ പൊലയാണ്.
ഗോസായി മാർ പുറമേയിട്ട പൂണൂൽ
തമ്പ്രാന്മാരകത്തിട്ടേക്കുവാടി....
.......... ബിജു.ജി.നാഥ് വർക്കല