വിചിത്രമായ ഒരു സ്വപ്നം

തുടക്കം ഇല്ലാതെ ഇടയിലെങ്ങോ നിന്നൊരു സ്വപ്നത്തിന്റെ ഇടനാഴി തുറക്കുന്നു . വളരെ പ്രൌഡിയോടെ ഒരു സ്ത്രീ ചുവന്നവലിയ വട്ടപ്പൊട്ടും(നമ്മുടെ ജയഭാരതി ചേച്ചിയുടെ അതെ പൊട്ടു smile emoticon ) ധരിച്ചു ഒരു കുങ്കുമ നിറത്തിലെ സാരിയും ചുറ്റി എന്റെ മുന്നിലേയ്ക്ക് വരുന്നു. ഞാന്‍ സര്‍വ്വാംഗം മൂടിപ്പുതച്ചു ഇരിക്കുകയാണ് . പെട്ടെന്ന്‍ ആണ് ഞാന്‍ അറിയുന്നതു ഞാനൊരു സദസ്സില്‍ ആണെന്നും എനിക്ക് മുന്നിലായ് ഒരു വലിയ ജനക്കൂട്ടം രൂപം കൊള്ളുന്നതും. ആ സ്ത്രീ എന്റെ അരികില്‍ വന്നു എന്നോട് സൗമ്യമായി പറഞ്ഞു പൂജ ഇപ്പോള്‍ തുടങ്ങും എന്ന് . പിന്നെ ആ സ്ത്രീ എനിക്ക് പുറകിലേയ്ക്ക് പോയി . ഞാന്‍ ഒരു പുതപ്പു കൊണ്ട് എന്നെ പുതച്ചിരിക്കുക ആയിരുന്നു , അതിനുള്ളില്‍ ഞാന്‍ നഗ്നന്‍ ആയിരുന്നു . ഇത്രയും ജനങ്ങളുടെ ഇടയില്‍ അങ്ങനെ ഇരിക്കേണ്ടി വരുന്നതിന്റെ അസഹ്യത എന്നില്‍ നന്നായി ഉണ്ടാകുന്നുണ്ടായിരുന്നു . ഞാന്‍ ത്രിശങ്കു സ്വര്‍ഗ്ഗം എന്നതെന്തു എന്ന് മനസ്സിലാക്കിയതുപോലെ തോന്നി . എന്ത് ചെയ്യണം എന്നറിയാതെ ഇരിക്കുമ്പോള്‍ വീണ്ടും ആ സ്ത്രീ മുന്നില്‍ ആളുകള്‍ക്ക് പിറകിലായി കാണാന്‍ കഴിഞ്ഞു . പൂജ കഴിയാറായി എന്നും ഇത് കഴിയുമ്പോള്‍ ഞാന്‍ ആ പുതപ്പു ഉപേക്ഷിച്ചു ആ ജനങ്ങള്‍ക്കിടയില്‍ ഇറങ്ങി ചെല്ലണം എന്നും അവര്‍ എന്നോട് പറഞ്ഞു . ഞാന്‍ അതോടെ വല്ലാത്ത ഒരു അവസ്ഥയില്‍ ആയി എന്ന് തന്നെ പറയാം . തീര്‍ച്ചയായും നഗ്നനായി അവര്‍ക്ക് മുന്നില്‍ ഞാന്‍ ചെല്ലുക എനിക്ക് ലജ്ജ ഉളവാക്കുന്ന ഒരു വസ്തുത ആയി അനുഭവപ്പെട്ടു , അതിലേറെ എന്നെ അലട്ടിയത് അവര്‍ക്ക് മുന്നിലേക്ക് ഞാന്‍ ചെല്ലുമ്പോള്‍ എനിക്ക് ഉദ്ധാരണം സംഭവിക്കുമോ എന്നതായിരുന്നു എന്റെ പേടി . പൂജ കഴിയാറായി . ഞാന്‍ ആകെ വിവശനാകുകയും തളരുകയും ചെയ്യുന്നുണ്ടായിരുന്നു . എന്റെ മനസ്സ് അറിഞ്ഞ പോലെ അപ്പോള്‍ ആ സ്ത്രീ എന്റെ അരികിലേയ്ക്ക് വീണ്ടും വന്നു , അവള്‍ എന്റെ അരികില്‍ എത്തിയതും അലാറം കേട്ടതും ഒരുപോലെ ആയതിനാല്‍ ശേഷം എന്ത് സംഭവിച്ചു എന്നെനിക്കറിയില്ല. ഡ്യൂട്ടിക്ക് പോകേണ്ടതിനാല്‍ വീണ്ടും കിടന്നുറങ്ങി ബാക്കി കാണാന്‍ പറ്റിയുമില്ല...... ബി ജി എന്‍ വര്‍ക്കല