ആദരാഞ്ജലി

മരണമില്ലാത്ത വാക്കുകൾ
തന്നു നീ
മറയുകയാണെന്നിൽ വേദന നല്കി
അറിയുക ഞാനെന്നും
കൊതിച്ചിരുന്നരികിൽ -
വന്നാ കരം മുത്തി
നിന്നനുഗ്രഹം തേടുവാൻ .
ധരിത്രി തന്നാസന്നമൃതിയിൽ
മനംനൊന്ത്
നീയേകിയ ചരമശുശ്രൂഷയിന്നെന്റെയും
ഹൃദയം നിറഞ്ഞൊഴുകുന്നു.
വേദനക്കടലിൽ മുങ്ങിയാഴുന്നു ഞാൻ
മലയാളം വിതുമ്പുമീ
നിമിഷങ്ങൾ നിനക്കേകും അർച്ചനയാകുന്നു.
നീ നല്കിപ്പോകുന്നോരീ അക്ഷരങ്ങൾ, ഗാനാമൃതങ്ങൾ, വാക്ചരിതങ്ങൾ
ഓർത്തിടും ഭാഷ മരിക്കാതിരിക്കും വരേക്കും.
ഓർക്കുക , ശാന്തമായി പോകുക ഇനി നീ
അഞ്ജലീ ബദ്ധനായി
ഇന്ന് ഞാൻ നിൻ യാത്ര
കണ്ടു നിന്നീടുന്നു .
---------------ബിജു ജി നാഥ്
ഓ എന്‍ വി യുടെ നിര്യാണവാര്‍ത്ത കേട്ടപ്പോള്‍ മനസ്സില്‍ വന്ന വരികള്‍