മരവും കിളിയും

ഇല കൊഴിഞ്ഞോരെന്നില്‍
തണലു തേടരുതെന്നു മരം.

ഇലകൾക്ക് പകരമെൻ ചിറകിൻ
തൂവലേകാമെന്നു കിളി .

ശൽക്കങ്ങൾ അടരുന്നൊരു തായ്ത്തടിയിൽ
ഇളമാംസത്തുടിപ്പ് തേടരുതെന്നു മരം.

മാംസമല്ല ദുഗ്ധപിയൂഷത്താൽ മനം
തൃപ്തമെന്നോതുന്നു കിളി .

വരണ്ടുപോം തടിയിൽ ചെറുനീരൊലിപ്പു പോലും
കണിയാകുകില്ലെന്നു മരം .

പ്രണയമുദ്രകൾ കൊണ്ട് തരളിതമാക്കും
നാവിൻ തുടിപ്പിൽ
ജീവനമധുരം പകരാമെന്നു കിളി .
---------------------------ബിജു ജി നാഥ്