ഇന്നിന്റെ കാഴ്ച

നമുക്കിടയിൽ നിഴൽപോലെ
പാവക്കൂത്തു നടക്കുന്നു .
അഴിച്ചും കെട്ടിയും
'അധികാരം', മണത്തു നടക്കുന്നു
പാവാടചരടിലെ പശമണം.
ദളിതെന്നു വിലപിക്കുന്നഭിനവ
പുരോഗമനപ്രതികരണ തൊഴിലാളികൾ!
മദമാർന്നു പുളയ്ക്കുന്നു
പൌരോഹിത്യ കാപട്യങ്ങൾ .
തിളയ്ക്കുന്ന ക്ഷുഭിതയൗവ്വനങ്ങൾ
ഇന്നന്യമായ് കഴിയുന്നു .
ഫാസിസം എന്നാർക്കുന്നു
കയ്യിലേന്തും വാളാൽ ,
നാവിലേന്തും വാക്കാൽ ,
അധികാര പാശത്താൽ .
എന്തെഴുതണം
എന്തുപറയണം
എന്തു കഴിക്കണം
എങ്ങനെ ജീവിക്കണം
എന്നു പഠിപ്പിക്കുന്നു .

ഇനിയുമീ ലോകം നമുക്കായ്
ഇലകൾ നിറഞ്ഞ തണലാകില്ല .
-------------------------ബിജു ജി നാഥ്