Saturday, June 27, 2015

മഴമേഘങ്ങൾ


നിന്നിലെന്നോ പെയ്തിറങ്ങാൻ കൊതിച്ചൊരു
മഴയാണ് മണ്ണിലിന്നീ വിധമാഴത്തിൽ....
നിന്നോട് പറയാൻ കരുതിവച്ചൊതൊക്കെയും
ഇന്നീ കുത്തിയൊലിച്ചു പോകുന്നതും .

കണ്ണീരു വീണു നനഞ്ഞൊരെൻ മാറിലെ.
സ്പന്ദനം ഇന്നു നിലയ്ക്കുവാനായിട്ടോ
ഏറെ ദ്രുതമീ ഇടിനാദമൊത്തൊരു
ഞാണിൽ കളിക്കും നേരം പിടയ്ക്കുന്നു .

ഒരു വാക്ക് കൊണ്ടും , നോക്കിനാലും
മുറിപ്പെടുത്തുവാൻകഴിയില്ലയെങ്കിലും
ഹനിച്ചിടും ഹൃത്തിന്റെ മൃദുമേഖലകൾ
നിൻ മൃദുസ്മേരം പതറുവതറിയുമ്പോൾ.

-----------------------------------------ബിജു ജി നാഥ്

4 comments:

  1. പ്രിയപ്പെട്ടവൾക്കായ്‌ കേഴുന്ന ഹൃദയം

    ReplyDelete
  2. ഹൃത്തിന്റെ മൃദുമേഖലകളിലേക്കാണ് സഞ്ചാരം

    ReplyDelete
  3. നന്നായിട്ടുണ്ട്
    ആശംസകള്‍

    ReplyDelete
  4. ഒരിളം കാറ്റിനാല്‍പ്പോലും നോവാതെ ഞാന്‍ കാത്ത നിന്‍ മുഖം , എന്തേ ഇന്നീ വിധം കരിഞ്ഞുപോയി...?????

    ബിജു...ആര്‍ദ്രം...മനോഹരം...

    ReplyDelete