മഴമേഘങ്ങൾ

നിന്നിലെന്നോ പെയ്തിറങ്ങാൻ കൊതിച്ചൊരു
മഴയാണ് മണ്ണിലിന്നീ വിധമാഴത്തിൽ....
നിന്നോട് പറയാൻ കരുതിവച്ചൊതൊക്കെയും
ഇന്നീ കുത്തിയൊലിച്ചു പോകുന്നതും .

കണ്ണീരു വീണു നനഞ്ഞൊരെൻ മാറിലെ.
സ്പന്ദനം ഇന്നു നിലയ്ക്കുവാനായിട്ടോ
ഏറെ ദ്രുതമീ ഇടിനാദമൊത്തൊരു
ഞാണിൽ കളിക്കും നേരം പിടയ്ക്കുന്നു .

ഒരു വാക്ക് കൊണ്ടും , നോക്കിനാലും
മുറിപ്പെടുത്തുവാൻകഴിയില്ലയെങ്കിലും
ഹനിച്ചിടും ഹൃത്തിന്റെ മൃദുമേഖലകൾ
നിൻ മൃദുസ്മേരം പതറുവതറിയുമ്പോൾ.

-----------------------------------------ബിജു ജി നാഥ്