ഒരേ തൂവല്‍പ്പക്ഷികള്‍

നക്ഷത്രങ്ങൾ  കണ്ണ് ചിമ്മിക്കളിക്കുന്ന
ശരത്കാല രാവുകളിൽ
വേനല്മഴ കൊതിക്കും
പകലിൻ മാറിൽ നിന്നു -
മൊരു ശലഭം പറന്നുയരുന്നു
പ്രണയത്തിന്റെ താഴ്വര തേടി .

പറന്നകലുന്ന പകലുകൾക്ക്‌
പറയുവാനാകാത്ത കഥകളുമായ്
ഇരുണ്ട വിജനതകൾക്കു മേലെയായ്
മൃദുലമാം ചിറകുകൾ ചലിക്കുന്നതിദ്രുതം.
നിമിഷവേഗങ്ങളെ പിറകിലാക്കുന്ന
മൃതിയുടെ സുഗന്ധം പിന്തുടരവേ
പ്രണയസുമത്തിൻ മധുവൊന്നു നുകരുവാൻ
ഒരു ചുംബനം കൊണ്ട് ജീവിതം സഫലമാകാൻ
കിതച്ചു പായുന്നൊരീ ശലഭവും
ഞാനും, ഒരേ തൂവൽപ്പക്ഷികൾ ...!
-----------------ബി ജി എന്‍