Saturday, March 23, 2013

തുഷാരം

മിഴിവറ്റി രണ്ടു നീർമണികൾ തുളുമ്പുന്ന
പകലിന്റെ മരണമേ നിന്നെ നോക്കി ,
ഇതളിറുന്നീടുമീ നാലുമണി പൂവിൻ
കരളിന്റെ ദൈന്യമിതാര്‍ക്ക് വേണ്ടു .!

കരയെ പുണരുവാൻ കൊതിയോടെ
വന്നൊരാ തിരകള്‍ തൻ മനതാരിൽ നിറയും ,
പരിഭവ പിണക്കത്തിൻ നുരമാല കാറ്റിൻ-
കരവല്ലരികൾ കൊയ്തെടുക്കെ .

ഇരുളിൽ തിളങ്ങുന്ന താരകമിഴികളിൽ
കദനത്തിൻ മഴമേഘം തണൽ പൊഴിക്കും .

അരുവികൾ പുളയുന്ന മലമേടുകളിൽ
കളകളം മൊഴിയുന്ന കിളികളെ , നിങ്ങള്‍ക്ക്
പറയുവാനാകുമോ പതിരില്ലാ പ്രണയത്തിൻ
പുതുനാമ്പ് വിരിയുന്ന പുലരിയെങ്ങു ?
------------ബി ജി എൻ വർക്കല






1 comment: