Tuesday, March 26, 2013

നീ മാത്രം

അണുവായിരുന്നു ഞാന്‍
മനുഷ്യന്റെ ബീജത്തിലൂടെ ,
ഗര്‍ഭപാത്രത്തിലൂടെ
മനുഷ്യനായ്‌ പിറന്നു ഞാന്‍ .

അന്തസ്സിന്റെ മാറ്റുരയ്കാനാ-
ശംസകളര്‍പ്പിക്കാന്‍
ആരും  കടന്നുവന്നില്ലിതുവരെ .
ഉണ്മയുടെ ശരം തേടും
ഉന്നമനം തേടി വന്ന -
ഉല്‍പ്പതിഷ്ണുവായിരുന്നു ഞാന്‍ .

ഉന്നതങ്ങള്‍ തേടി പോകവേ
സപ്തവര്‍ണ്ണങ്ങള്‍ ചന്ദനം
ചാര്‍ത്തുമീ വസന്തം .
സന്യസിക്കാനായി കരുതിയ
ജീവിത സായാഹ്നവും,
ഇന്നലെകളുടെ മിത്തും
ഇന്നുകളുടെ സത്തും
നാളെകളുടെ സ്വത്തും
നീയാണ് കുട്ടീ നീ മാത്രം !

ഒന്നുമോര്‍ക്കാതെ സത്വരം
ഒന്നുമേ കാണാതെ നിത്യവും
കണ്ടു ഞാന്‍ നിത്യവും നിന്നെ , എന്‍
സ്വപ്നമാം സഞ്ചാരപഥത്തില്‍ .

മുത്തമായി നേര്‍ന്നു ഞാന്‍
സ്വപ്നമായി വിരിഞ്ഞു നീ
നഷ്ടമായ്‌ കൊഴിഞ്ഞു ഞാന്‍
നഗ്നനായ്‌ പോകുന്നു ഞാന്‍
നഗ്നനായ്‌ പോകുന്നു ഞാന്‍ .
--------ബി ജി എന്‍ വര്‍ക്കല ---17.04.1995

1 comment:

  1. നഗ്നനായി നീ വന്നു
    നഗ്നനായ് തന്നെ പോകുന്നു

    ReplyDelete