ഒരിക്കല്‍
വസന്തം എന്നോട് ചോദിക്കും .
ഈ പൂവുകള്‍ എല്ലാം നിനക്കായല്ലയോ
ഈ നിറങ്ങളെല്ലാം നിനക്കായല്ലയോ
ഈ ഹരിതകം നിനക്ക് വേണ്ടിയല്ലയോ ...
അന്ന് ഞാന്‍ ഉത്തരം പറയാന്‍ വേണ്ടി
എന്നെ തിരയും.
ഭൂമിയിലെ വേനലില്‍
ഉണങ്ങിയ കരിയിലകളില്‍
നനഞ്ഞ കണ്ണുനീരില്‍
ഉടഞ്ഞ മണ്‍ചെരാതുകളില്‍
നരച്ചു പോയ മഴവില്ലില്‍ .
തിരയലുകള്‍ക്കൊടുവില്‍
കണ്ടെത്താനാകാതെ
ഹൃദയം പൊട്ടി കരയുന്ന
എന്നെ നോക്കി
വസന്തം പറയും
ഭൂമിയില്‍ നീയും ജീവിച്ചിരുന്നു എന്ന് .
@ബിജു. ജി. നാഥ്
No comments:
Post a Comment