അവളെ നിങ്ങളറിയും..
........................................
മനസ്സ് കൊണ്ടാണാദ്യം തൊട്ടു തുടങ്ങിയത് .
ആകാശത്തെ ,
മലകളെ
പുഴകളെ
താഴ്വരകളെ.....
തൊടനാഞ്ഞിടത്തൊക്കെയും ,
കയ്യെത്തുന്നില്ലെന്ന് കണ്ടപ്പോഴും
അവള്‍ക്ക് ജീവിതത്തില്‍ തൊടാനുള്ള ആഗ്രഹംമാത്രം ഉണ്ടായതേയില്ല.
കാരണം ജീവിതമെന്നത്
തൊടാനാവുന്നതും
തൊട്ടാല്‍ പൊള്ളുന്നതുമാണെന്നവള്‍
അറിഞ്ഞിരുന്നു .
ജീവിതത്തെക്കുറിച്ചോര്‍ത്തപ്പോഴെല്ലാം
അവളുടെ ഉള്ളിലുണര്‍ന്നത്
പാടിമറന്ന ഗസലുകളായിരുന്നു .
ആ ഗസലുകളെ വീണ്ടും വീണ്ടുമവള്‍ പാടിയത്
ജീവിതത്തോടുള്ള സ്നേഹംകൊണ്ടല്ല.
ജീവിതത്തെ അത്രയേറെ വെറുത്തതിനാലാണ് .
@ബിജു ജി.നാഥ്
No comments:
Post a Comment