ചുംബനം
..............
നേർത്ത ചുംബനം
മൃദുവായി
വളരെ ലോലമായി
ഒരു പിഞ്ചു കുഞ്ഞിന്റെ കവിളിലെന്നപോലെ!
ഓ... നീയെനിക്കമ്മയായിരിക്കുന്നു.
ഒരു ചുംബനം
വളരെ ആർദ്രമായി
ഒരു കുളിരായി
ഒരു സാന്ത്വന വാക്കു പോലെ!
ഓ... നീയെനിക്കു പെങ്ങളായിരിക്കുന്നു.
ചുടു ചുംബനം
വളരെ ആഴത്തിൽ
ഞരമ്പുകളെ ത്രസിപ്പിച്ചു കൊണ്ട് !
ഓ... നീയെനിക്കൊരു പ്രണയിനിയാകുന്നു.
മുദു ചുംബനം
എത്രമേൽ ഹൃദ്യമായി
ഒരു പൂവിന്റെ ഇതൾ തൊടുമ്പോലെ!
ഓ... നീയെന്റെ മകളായിരിക്കുന്നു.
ചുംബനങ്ങളിൽ
നീയെനിക്കെല്ലാമാകുമ്പോഴും
നിന്നെ ഞാൻ എപ്പഴാകും ഓർത്തിരിക്കുക?
ഓ.. ഞാനതിന് മരിച്ചിട്ടില്ലല്ലോ.
.... ബിജു.ജി.നാഥ് വർക്കല
No comments:
Post a Comment