വേനലാണ് ഞാൻ.

വേനലാണ് ഞാൻ.
............................
വേനലാണ് ഞാൻ
പുകയുന്ന ഗ്രീഷ്മത്തിലും
പൊള്ളലുകൾ ആടയാക്കിയ
കൊടും വേനലാണ് ഞാൻ.
നിലാവുകൾ അന്യമായ
മരുഭൂമിയുടെ ഉടലിൽ മയങ്ങും
ഉരഗമാണ് ഞാൻ.
കൊടും തപം കൊണ്ടു
മഴപ്പെയ്ത്തു മോഹിക്കുന്ന
വരണ്ട കാറ്റാണ് ഞാൻ.
ഓർമ്മയിലേക്ക് കുടഞ്ഞിടുന്ന
നനഞ്ഞ സ്വപ്നങ്ങളിൽ
മായാത്തsയാളം തീർക്കും
വിണ്ടുകീറിയ മണ്ണാണ് ഞാൻ.
ഒരു കടൽ മുഴുവനായ്
ഉള്ളിലേക്കാവാഹിച്ചാലും
ദാഹം മാറാത്ത നാവാണ് ഞാൻ.
ഒരു മഴയ്ക്കും
ഒരു പുഴയ്ക്കും
ഒരു സമുദ്രത്തിനും
അടക്കുവാനാകാത്തവൻ.
നിന്റെ മാറിലെ തണുപ്പിൽ
അലിയുന്ന കാലം വരേക്കും
ഉരുകുന്ന അഗ്നി പർവ്വതം ഞാൻ.
..... ബിജു.ജി.നാഥ് വർക്കല