Thursday, July 11, 2013

യാത്ര പറയും നേരം


മരണമേ നിന്‍തണുവില്‍ വീ-
ണലിയുവാനേന്‍ മനം കൊതിപ്പൂ .
ഹൃദയമേ നീയെന്‍ ശിഥിലചിന്ത -
തന്‍ ഇരുളിമയിലേക്കൊതുങ്ങീടുമോ ?

കനവു കണ്ട രാവിന്‍ ഇരുള് പോലെ
ബോധതന്ത്രികള്‍ മറയുന്ന നേരത്തും
പ്രണയരാഗമലയടിച്ചോഴുകീടുന്നെന്‍
ഹൃദയവാഹിനീ തടങ്ങളിലൂടെ .

മൃതി തിന്നു തുടങ്ങുമീ കോശങ്ങളിലൂടെ
പരതിനീങ്ങും നിന്‍ വിരല്‍സ്പര്‍ശത്തെ,
വെറുതെ ഞാനൊന്നു കൊതിച്ചിടാമീ -
യവസാന ശ്വാസതിരമാലയിലൂടെ .

നമുക്കിടയിലായി തിരയുവാനില്ല്ലിനിയൊരു
കറുത്ത വിരല്പാടിന്‍ നോവുകളെങ്കിലും
കൊതിക്കുന്നു നിന്‍ ചുണ്ടുകളെന്‍ നെറ്റിയില്‍
അവസാന മുദ്രയാല്‍ ചുവന്നുവെങ്കില്‍ ...!.
--------------ബി ജി എന്‍ വര്‍ക്കല ------

http://issuu.com/ckrajumadayi/docs/kavyavasantham_-_first_pdf_e-book_m


2 comments:

  1. അവസാന യാത്രയ്ക്ക് മുന്‍പ്.

    ReplyDelete
  2. ശുഭയാത്രപറയാതെ പിരിയാതെ

    ReplyDelete