Sunday, July 14, 2013

മരിയ

മരിയ ഓഫിസിലിരിക്കുമ്പോളാണ്
വീടിന്റെ വാതിൽ  പൂട്ടിയില്ലന്നറിയുന്നത്‌ .
തിരക്കുപിടിച്ച്
സ്കൂട്ടിയിൽ പാഞ്ഞു പോരുമ്പോൾ
ഹെൽമറ്റ് പോലും മറന്നുപോയി .
ലിഫ്റ്റ്‌ കാത്തു നില്ക്കാൻ നേരമില്ലാതെ
ഓടി പാഞ്ഞു വന്നപ്പോൾ ആണ്
ഓട്ടോ ലോക്ക് ആണല്ലോ
എന്നോർക്കുന്നത് .
എനിക്കിതെന്താ
എന്നോർത്ത് ചിരിയോടെ
വാതില്‍ തുറക്കുമ്പോൾ
മരിയ ഓർത്തില്ല
ജീവിതത്തിന്റെ ഏറ്റവും വലിയൊരു
നിമിഷത്തിലേക്കാണ്
ഈ കടന്നു ചെല്ലൽ എന്ന് .
അല്ലെങ്കിൽ
മരിയ വാതിൽ പൂട്ടാതിരിക്കാനും
കള്ളൻ അകത്തു കയറാതിരിക്കാനും
വേറെ കാരണങ്ങൾ  വേണ്ടല്ലോ .
കിടക്കമുറിയിലേക്കു
വായ മൂടി എടുക്കപ്പെടുമ്പോൾ
മരിയക്കു ശരീരം ഒരു പഞ്ഞിക്കെട്ടു പോലെ
വലിച്ചു കീറപ്പെടുന്ന
വസ്ത്രങ്ങളോ
കുത്തികയറുന്ന പൗരുഷമൊ
മരിയ അറിഞ്ഞതെ ഇല്ല
ഒരു അപ്പൂപ്പൻ താടി പോലെ
മരിയ ആകാശ മേലാപ്പിലൂടെ
പറന്നു പറന്നൊടുവിൽ -
മരക്കൊമ്പിൽ തടഞ്ഞു നിൽക്കുമ്പോൾ
കിടക്കയിൽ മരിയ മാത്രം .
മരിയ പെട്ടന്നാണ് ഓര്‍ത്തത്
തന്റെ ജോലി പാതി വഴിയിൽ  വച്ചാണ് ഓടിയത്
തിടുക്കത്തിൽ പുതു വസ്ത്രം ധരിച്ചു
മരിയ മുറിപൂട്ടി
ഓഫീസിലേക്ക് പായുമ്പോൾ
ഹെൽമെറ്റ്‌ വയ്ക്കാൻ മറന്നിരുന്നില്ല .
-------------ബി ജി എൻ വർക്കല ------------------

4 comments:

  1. അധിനിവേശം

    ReplyDelete
  2. ഇനി മറഞ്ഞു മറഞ്ഞൊരു ഓട്ടങ്ങള്‍

    ReplyDelete