ഗാഫ് മരം

ഗാഫ്മരം
................
ഗാഫ് മരം പോലെയാണ് നീ
മരുഭൂമിയുടെ താപത്തില്‍
അതിഗ്രീഷ്മത്തിന്റെ കൈകളാല്‍
സര്‍വ്വാംഗം കരിഞ്ഞു നില്‍ക്കുന്നൊരു
ഗാഫ് മരം .
വര്‍ഷങ്ങളുടെ ഉണക്കില്‍
വിറകു കൊള്ളിപോലെയാകുന്ന
മരുദൈന്യം .
ഒരു നാള്‍
ആകാശത്തു നിന്നെങ്ങോ വീഴുന്നൊരു
ഒറ്റ തുള്ളി ജലത്തില്‍
തളിരിടുന്നുണ്ട്.
അടിമുടി പച്ചപ്പ്‌ ചൂടി
നവോഢയെ പോലെ നാണിച്ചു നില്‍ക്കും .
ചുംബനം ഉണങ്ങിവരണ്ടനിന്റെ  ചുണ്ടുകളെ
ഒരു ശലഭചുംബനത്താല്‍ ഞാന്‍ തളിരിടുവിക്കുന്നത് പോലെ.
✍️©️ബി.ജി.എൻ വർക്കല