പൂക്കള്‍

പൂക്കൾ

.............

പൂക്കള്‍ ചിരിക്കാറുണ്ട്

വസന്തത്തിന്റെ വരവില്‍

മഞ്ഞു കണികകള്‍ വീണ ഇതളുകള്‍

കമ്പനത്താല്‍ വിടരുമ്പോള്‍

പൂക്കള്‍ ചിരിക്കാറുണ്ട്

പൂക്കള്‍ കരയാറുണ്ട്

വാസനിക്കാന്‍ , ഒന്ന് ചുംബിക്കാന്‍

മധുപന്‍ വരാത്ത കാലങ്ങളില്‍

ഇതളുകള്‍ ചുരുക്കി

പൂക്കള്‍ കരയാറുണ്ട്

പൂക്കള്‍ നാണിക്കാറുണ്ട്.

ഇതളുകള്‍ കൂമ്പിയടഞ്ഞു

നിലാവിന്റെ കണ്ണുകളില്‍ നോക്കി

നേര്‍ത്ത പുഞ്ചിരിയോടെ

പൂക്കള്‍ നാണിക്കാറുണ്ട് .

പൂക്കള്‍ തേന്‍ ചുരത്താറുണ്ട്

സുഗന്ധം നിറഞ്ഞ കേസരം

തൊങ്ങലുകള്‍ ചാര്‍ത്തുന്ന ശലഭനാവുകളില്‍

ഹൃദയം നിറഞ്ഞു കവിയുമ്പോള്‍

പൂക്കള്‍ തേന്‍ ചുരത്താറുണ്ട്

..... ബി.ജി.എൻ വർക്കല