ഡാന്സ് ബാറും ഞാനും
-------------------------
സിനിമയിലും കഥകളിലും ഒരുപാട് കേട്ടിട്ടുള്ളതും വായിച്ചിട്ടുള്ളതും കണ്ടിട്ടുള്ളതും ആണ് ഡാന്സ് ബാര് . ആ ഒരു കേള്വിക്കപ്പുറം ഒരിക്കല് പോലും അതില് കയറുവാന് മുംബയിലെ വാസത്തില് പോലും കഴിഞ്ഞിരുന്നില്ല. ദുബായില് ജോലി തേടി എത്തുമ്പോള് തന്നെ കേട്ടിരുന്നു അവിടയും ഡാന്സ് ബാറുകള് ഉണ്ട് എന്നും അവ പക്ഷെ സാധാരണക്കാരന് അപ്രാപ്യമായ ഒരിടം ആണെന്നും . എങ്കിലും പലപ്പോഴും ആലോചിക്കും ഒന്ന് പോയി കാണണം . എന്താണ് അവിടെ നടക്കുന്നതെന്ന് അറിയണം . അതിന്റെ പറഞ്ഞു കേള്ക്കലുകള് അല്ല കണ്ടറിവുകള് ആകണം ശരി എന്ന് കരുതി . മുന്നില് ഉണ്ടായിരുന്ന ഒരേ ഒരു തടസ്സം പോയി തിരികെ വരുക എന്നതായിരുന്നു . താമസസ്ഥലത്ത് നിന്നും രണ്ടു ബസ്സ് കയറി അവിടെ ചെല്ലണമെങ്കില് ഒരു രണ്ടു മണിക്കൂര് എടുക്കും . തിരികെ വരിക എന്നതാണ് വിഷയം . അവസാന വണ്ടി കിട്ടിയില്ല എങ്കില് വഴിയില് ആയിപ്പോകും അതോര്ത്ത് യാത്ര നീട്ടിവയ്ക്കുകയായിരുന്നു എല്ലായ്പ്പോഴും . കഴിഞ്ഞ ആഴ്ച വെറുതെ എങ്കിലും സുഹൃത്തിനോട് ചോദിച്ചു നമുക്കൊന്ന് ഡാന്സ് ബാറില് പോകാം . ചോദിക്കാന് ഉള്ള കാരണം പുള്ളിക്കാരന് ഒറ്റയ്ക്കാണ് താമസം എന്നതിനാല് രാത്രി പുള്ളിയെ ബുദ്ധിമുട്ടിക്കുകയും ചെയ്യാം എന്നതായിരുന്നു . മറുപടി ഈ ആഴ്ച പറ്റില്ല അടുത്ത ആഴ്ച എന്നായിരുന്നു . എന്തായാലും പറഞ്ഞത് പോലെ വ്യാഴം വൈകിട്ട് പുള്ളിയുടെ സന്ദേശം വന്നു . പോകാം . മെസ്സേജ് വരുമ്പോള് എട്ടു മണിയാകുന്നു . ഞാന് ഇനി ഇവിടെനിന്നും തിരിച്ചാല് അവിടെ എത്തുമ്പോള് ഒരു സമയം ആകും എന്ന ആശങ്ക പങ്കു വച്ചപ്പോള് ലൊക്കേഷന് അയക്കാന് പറഞ്ഞു പുള്ളി എന്നെ ഞെട്ടിച്ചു . അങ്ങനെ പുള്ളിക്കാരന് ഞാന് താമസിക്കുന്നിടത്ത് വന്നെന്നെ കൂട്ടിക്കൊണ്ട് പോയി. യാത്രയില് പക്ഷെ പുള്ളിയുടെ മൂഡ് എന്തോ ശരിയായിരുന്നു എന്ന് തോന്നിയില്ല . കുശലം പറയുമ്പോള് ഒക്കെ എന്തോ ആബ്സന്റ് മൈന്റ് ആണ് എന്ന് തോന്നി മറുപടികള് കേള്ക്കുമ്പോള് . ആരെയെങ്കിലും കിട്ടിയാല് പിന്നെ ചെവി കേള്പ്പിക്കാതെ സംസാരിച്ചു മുഷിപ്പിക്കുന്ന എന്റെ സ്വഭാവം അങ്ങേര്ക്ക് ഇഷ്ടമാകാഞ്ഞിട്ടു ആകും എന്നതിനാല് ഞാന് വായ അടച്ചു പുറത്തെ കാഴ്ചകളില് അലയാന് വിട്ടു എന്നെ . വണ്ടി പാര്ക്ക് ചെയ്ത് ടാക്സിയില് ഗുബൈബയിലെ ഒരു ബാറിനു മുന്നില് എത്തി . റോഡ് മുറിച്ചു കടന്നു ഒരു ബാറിന്റെ ഉള്ളിലേക്ക് കടന്നുചെന്ന് . ഒരു കാഴ്ചക്കാരന്റെ ഔത്സുക്യത്തോടെ ഞാന് പുള്ളിയെ പിന്തുടര്ന്ന് . ഹോട്ടല് ആണത് . അതിന്റെ ഗ്രൌണ്ട് ഫ്ലോറിലും ഫസ്റ്റ് ഫ്ലോറിലും ആണ് ബാറും ഡാന്സ് ആക്ടിവിറ്റീസും നടക്കുന്നത് എന്ന് പുള്ളി പറഞ്ഞു . നേരെ നമ്മള് ഗ്രൌണ്ട് ഫ്ലോറില് ചെന്ന് . അവിടെ കയറി ചെല്ലുമ്പോള് പെട്ടെന്ന് ഒരു തിരക്കേറിയ പാര്ട്ടിയില് എത്തിയ പ്രതീതി ഉണ്ടായി . ഉയര്ന്ന ശബ്ദത്തില് പാശ്ചാത്യ സംഗീതം കേള്ക്കാമായിരുന്നു . നിറയെ ആണും പെണ്ണും നിറഞ്ഞ അന്തരീക്ഷം . കയറി ചെല്ലുന്നിടത്ത് ബാര് ആണ് പിന്നെ നിറയെ റസ്റ്റോറന്റുകള് പോലെ ടേബിളും കസേരയും ഉണ്ട് . ബാറിനു ചുറ്റാകെ നീളന് സ്റ്റൂളുകള് ഉണ്ട് . അതില് ഇരുന്നു ചിലര് ബിയര് കഴിക്കുന്നുണ്ട് .കൂട്ടുകാരന് എന്നെയും വിളിച്ചു നേരെ ഉള്ളിലേക്ക് നടന്നു . ഒരു റൌണ്ട് എടുത്ത് എന്ന് തന്നെ പറയാം . ഓരോ ടേബിളിലും ഒരു സ്ത്രീ എങ്കിലും ഉണ്ടായിരുന്നു . സ്ത്രീകള് എല്ലാവരും തന്നെ ഫാഷനബിള് ആയി വസ്ത്രം ധരിച്ചവരും നന്നായി മേക്കപ്പ് ചെയ്തവരും ആയിരുന്നു. കൂടുതലും പാകിസ്ഥാനികള് ആയിരുന്നു കുറച്ചു ഫിലിപ്പൈന് , പിന്നെ നൈജീരിയന് ഒന്നോ രണ്ടോ ഇന്ത്യന് സ്ത്രീകള് ഉണ്ടായിരുന്നു അവരില് . ചേര്ത്തു പിടിച്ചും തോളില് കൈയ്യിട്ടും ചാരിയിരുന്നും അവരില് പലരും തങ്ങളുടെ അന്നത്തെ കച്ചവടം ഉറപ്പിക്കുന്ന കാഴ്ച . ഞങ്ങള് ഒരു മൂലയില് നിന്നും അടുത്ത മൂലവരെ നടന്നു . കുറച്ചു നേരം അവിടെ നിന്ന് പിന്നെ പുള്ളിക്കാരന് പറഞ്ഞു ഓരോ ബിയര് കഴിക്കുന്നതല്ലേ നല്ലത് . എനിക്കും അത് പറയണം എന്നുണ്ടായിരുന്നു . ബിയര് വാങ്ങി ബാര് കൌണ്ടറില് ഇരിക്കുമ്പോള് പുള്ളിക്കാരന് പറഞ്ഞു നിനക്കല്ലേ ഇവരെ അറിയണം എന്നൊക്കെ പറഞ്ഞത് . പോയി പരിചയപ്പെടൂ എത്ര കാലമായി ഇത് തുടങ്ങിയിട്ട് എന്നൊക്കെ ചോദിച്ചു നോക്കൂ . എന്തോ പത്രക്കാരുടെ ആ രീതി എനിക്ക് ഇഷ്ടമല്ലാത്തത് കൊണ്ട് അല്പം കൂടി അവിടെ ഇരുന്നു . തൊട്ടടുത്ത് ഇരുന്ന സ്ത്രീ നോട്ടത്തില് അറബ് വംശജയെപ്പോലെ തോന്നിച്ചു . കറുത്ത വസ്ത്രത്തില് അവരുടെ വെളുപ്പ് എടുത്തറീയാമയിരുന്നു. അവരേ നോക്കുന്നത് കണ്ടപ്പോള് ഒന്ന് ചിരിച്ചു . തിരികെ ഒരു ചിരി കൊടുത്തിട്ട് ഞാന് പതിയെ ബിയര് ബോട്ടിലുമായി എഴുന്നേറ്റ് അകത്തേക്ക് നടന്നു . ഒരു ഒഴിഞ്ഞ കോണില് നിന്നിട്ട് ഞാന് എല്ലാവരുടേയും ചലനങ്ങള് നോക്കാന് തുടങ്ങി .കൌണ്ടറില് ഇരുന്ന നൈജീരിയന് പെണ്ണ് അവളുടെ അടുത്തു വന്നിരുന്ന കഷണ്ടിത്തലയന് മധ്യവയസ്കന്റെ കവിളില് ചുംബിക്കുകയും അയാള് അവളുടെ കൈ എടുത്ത് ഉമ്മ വയ്ക്കുകയും ചെയ്യുന്നതും തുടര്ന്ന് അവള് എഴുന്നേറ്റ് ആഫ്രിക്കന് സ്റ്റൈലില് നടു വളച്ചു നിന്നുകൊണ്ട് തന്റെ ആസനം ചലിപ്പിച്ചു നൃത്തം ചെയ്യുകയും ചെയ്യുന്നത് കണ്ടു . ഞാന് നിന്നതിനു നേരെ എതിര്വശത്ത് രണ്ടു സ്ത്രീകള് നില്പ്പുണ്ടായിരുന്നു . അവര് എന്നെ നോക്കുന്നത് ശ്രദ്ധയില് പെട്ട് . അടുത്തിടെ മലയാളത്തില് ഹിറ്റ് ആയ സിനിമ നല്കിയ ഫാഷന് ആണല്ലോ മുടി എടുത്തു ഒരു വശത്ത് കൂടി മാറിലേക്ക് ഇടല്. ഇവരില് ഒരാള് അങ്ങനെ ഇട്ടിരുന്നത് കണ്ടപ്പോള് മലയാളി ആണോ എന്ന് തോന്നിപ്പിച്ചു . അല്പം കഴിഞ്ഞപ്പോള് അവള് പതിയെ നടന്നു വന്നു എന്റെ അടുത്തു നിന്നു . പക്ഷെ ഞാന് ശ്രദ്ധിച്ചില്ല .എന്താണ് നീക്കം എന്നറിയില്ലല്ലോ. അപ്പോള് അവള് അവിടെ കിടന്ന നീളന് സ്റ്റൂള് വലിച്ചെടുത്തു അതില് കയറി കാലിന്മേല് കാല് കയറ്റി ഇരുന്നു . അവള് ഉപയോഗിച്ച പെര്ഫ്യൂമിന്റെ രൂക്ഷ ഗന്ധം എനിക്ക് അലോസരം ഉണ്ടാക്കി . ഞാന് നില്ക്കണോ അവിടെ നിന്നും നീങ്ങണോ എന്ന കണ്ഫ്യൂഷനില് ആയി . അവള് ഒന്നും മിണ്ടിയില്ല ഞാനും ഒന്നും ചോദിക്കാന് പോയില്ല . അല്ലേലും അങ്ങോട്ട് കയറി മിണ്ടല് പണ്ടേ പതിവുള്ളതല്ല . കൂടുകാരിയും അടുത്തു വന്നു നിന്ന് . അത് കഴിഞ്ഞു രണ്ടുപേരും ഉറുദുവും ഹിന്ദിയും ഉപയോഗിച്ച് സംസാരം തുടങ്ങി . പാട്ടിന്റെ ബഹളത്തില് എനിക്കത് മനസ്സിലായില്ല എങ്കിലും എനിക്കിട്ടു പണി ആണോ എന്ന് സംശയം ഇല്ലാതില്ല . ഞാന് പാതിയായ ബിയര് ബോട്ടിലും പിടിച്ചു കൂടുതല് ഉള്ളിലെ തിരക്കിലേക്ക് നടന്നു . പുരുഷന്മാര് കൂടുതലും മലയാളികള് ആയിരുന്നു അവിടെ ഉണ്ടായിരുന്നത് എന്നത് ശ്രദ്ധിച്ചു .പാകിസ്ഥാനികള് കുറവായിരുന്നു . രണ്ടു അറബ് വംശജര് ഇരിക്കുന്നത് കണ്ടു ഒഴിഞ്ഞ ഒരു കോണില്. സ്ത്രീകള് എല്ലാം തന്നെ തിരക്കില് ആയിരുന്നു . അവരവരുടെ കസ്റ്റമറുമാരെ തേടുന്ന തിരക്കില് ആയിരുന്നു എല്ലാവരും .ഞാന് പതിയെ ഒരു കറക്കം കറങ്ങി ഒരു മൂലയില് എത്തി അവിടെ നിന്നു വീണ്ടും കാഴ്ചകള് കാണാന് തുടങ്ങി . അപ്പോള് അവിടെ അടുത്തിരുന്ന ഫിലിപ്പിയന് സ്ത്രീ എന്നോട് ഹായ് പറഞ്ഞു . ഞാനും ഹായ് പറഞ്ഞ ശേഷം അവരെ ഒഴിവാക്കും പോലെ നോട്ടം മറ്റുള്ളവരിലേക്ക് മാറ്റി . അവര് പുകവലിക്കുക ആയിരുന്നു . അവിടെ മുഴുവന് പുക ആയപ്പോള് എനിക്ക് ശ്വാസം മുട്ടല് അനുഭവപ്പെട്ടു .ബിയര് കാലിയാക്കി ഞാന് അവിടെ നിന്നും പതിയെ വീണ്ടും നടന്നു തിരികെ സുഹൃത്തിന്റെ അടുത്തെത്തി. ആ സ്ത്രീ ഇപ്പോഴും അവിടെ തന്നെ ഇരിപ്പുണ്ടായിരുന്നു . ഞാന് വീണ്ടും ഞങ്ങള്ക്ക് ബിയര് ഓര്ഡര് ചെയ്തു . ഇത്തവണ ഗ്ലാസില് ആയിരുന്നു വാങ്ങിയത് . വീണ്ടും ഞാന് ആ ഗ്ലാസ്സും ആയി ഒരു കറക്കം കൂടി കറങ്ങി . ഏകദേശം തിരക്കുകള് ചെറുതായി കുറഞ്ഞപോലെ അനുഭവപ്പെട്ടു . നേരത്തെ കണ്ട സ്ത്രീകളില് പലരെയും കാണാന് കഴിയുന്നില്ലാരുന്നു . ഒരു മൂലയില് ഒറ്റയ്ക്ക് നിന്ന നൈജീരിയന് പെണ്ണ് എന്നെ നോക്കി ചിരിച്ചു . ഞാനും ഒരു ചിരി കൊടുത്ത് . അവള് ഇടയ്ക്കിടെ എന്നെ നോക്കുന്നത് കണ്ടപ്പോള് ഞാന് പതിയെ അവിടെ നിന്നും മുന്നോട്ടു പോയി . ഒരു ഒഴിഞ്ഞ സീറ്റ് കിട്ടി ഞാന് അവിടെ ഇരുന്നു . അപ്പോള് എന്റെ അടുത്തേക്ക് ഒരു സ്ത്രീ നടന്നു വന്നു . ചിരിച്ചുകൊണ്ട് ഹായ് പറഞ്ഞു കൈ നീട്ടി . ഞാന് കൈ പിടിച്ചുകൊണ്ടു തിരികെ ഹായ് പറഞ്ഞു . അവള് ചോദിച്ചു ഇന്ത്യ ആണോ എന്ന് ഞാന് അതെ എന്ന് പറഞ്ഞു . അവള് പറഞ്ഞു ഞാന് പാകിസ്ഥാനി ആണ് . ഞാന് തിരികെ പാകിസ്താനില് എവിടെ ലാഹോര് ആണോ എന്ന് വെറുതെ ഇംഗ്ലീഷില് ചോദിച്ചു . നിനക്ക് ഹിന്ദി അറിയില്ലേ എന്നവള് തിരിച്ചു ചോദിച്ചു . പിന്നെ ഹിന്ദിയില് ആയി സംസാരം . അവള് പറഞ്ഞു പോകാം . ഞാന് ചോദിച്ചു ഇപ്പോഴോ . അതിനു സമയം നോക്കണോ എന്നായി അവള് . ഞാന് ചോദിച്ചു എന്താ നിന്റെ പേര് . തെസ്നി എന്ന് പറഞ്ഞു. മൂന്നു കൊല്ലമായി ഇവിടെ എന്നും വിവാഹിത അല്ല എന്തിനാ വിവാഹം അല്ലാതെ തന്നെ കാര്യങ്ങള് നടക്കുന്നുണ്ട് എന്നും അവള് ചിരിച്ചുകൊണ്ട് പറഞ്ഞു . സംസാരത്തിനിടയില് അവള് എന്നെ ചേര്ന്ന് നിന്നത് ഞാന് ശ്രദ്ധിച്ചു . മടക്കി വച്ച കാല് മുട്ടില് അവളുടെ അടിവയറിന്റെ ചൂട് അനുഭവപ്പെട്ടപ്പോള് ഇങ്ങനെ ആണേല് ഒരു മുട്ട പുഴുങ്ങാമല്ലോ എന്ന് ഞാന് പറഞ്ഞു . നീ വലിയ തമാശക്കാരന് ആണല്ലോ എന്ന് പറഞ്ഞു അവള് വീണ്ടും എന്നോട് പോകാം എന്ന്പറഞ്ഞു . അപ്പോഴാണ് കൂടുകാരന് നേരത്തെ പറഞ്ഞ കാര്യങ്ങള് ഓര്ത്തത് . ഞാന് ചോദിച്ചു എന്താണ് റേറ്റ് എവിടെയാണ് സ്ഥലം . ഒരു ഷോട്ടിനു ഇരുന്നൂറു ദിര്ഹം . ഒരു രാത്രിക്ക് അഞ്ഞൂറ് . ഹോട്ടല് ചാര്ജ് ഇരുന്നൂറും വേണ്ടി വരും ഫുള് നൈറ്റ് ആണേല് എന്നവള് പറഞ്ഞു . ഞാന് പറഞ്ഞു എന്തായാലും നീ ഒരു കറക്കം കറങ്ങൂ ഞാന് ഒറ്റക്കല്ല എന്റെ സുഹൃത്തും ഉണ്ട് അയാള്ക്ക് ആരെയെങ്കിലും കിട്ടിയോ എന്ന് നോക്കി പിന്നെ പറയാം എന്ന് . ശരി എന്ന് പറഞ്ഞു അവള് നടന്നു പോയി. വീണ്ടും ഞാന് എഴുന്നേറ്റ് നടന്നു . കൂട്ടുകാരന് അപ്പോഴേക്കും അവിടെ നിന്നും എഴുന്നേറ്റ് വേറൊരു മൂലയില് എത്തിയിരുന്നു . അവിടെ ഇരുന്നപ്പോള് പുള്ളി പറഞ്ഞു നീയല്ലേ പറഞ്ഞത് ഇന്ത്യക്കാരെ കണ്ടില്ല എന്ന് ദേ അപ്പുറത്ത് ഇരിക്കുന്നത് മലയാളിയോ തമിഴോ ആണ് പോയി മിണ്ടൂ എന്ന് . ഞാന് പറഞ്ഞു എനിക്കൊന്നു ബാത് റൂമില് പോകണം ഇപ്പൊ വരാം . ഞാന് പോയി വന്നപ്പോഴേക്കും പുള്ളിയുടെ അടുത്തു ആ സ്ത്രീ ഇരിപ്പുണ്ടായിരുന്നു . മലയാളി ആണെന്നും പ്രിയ എന്നാണു പേര് എന്നും പറഞ്ഞപ്പോള് സംസാരത്തില് നിന്നും മലയാളി അല്ല എന്ന് മനസ്സിലായി . തമിഴ് ആണ് .അവളും സംസാരിച്ചു നോക്കിയിട്ടും താത്പര്യം ഇല്ല , നിന്നാല് വേറെ കസ്റ്റമര്മാരെ കിട്ടില്ല എന്ന് കണ്ടു അവള് എഴുന്നേറ്റ് പോയപ്പോഴേക്കും തെസ്നി കറങ്ങി അവിടെയെത്തി . ഇതാണോ കൂട്ടുകാരന് എന്ന് ചോദിച്ചു അവള് വീണ്ടും വാ പോകാം എന്നായി . തലയില്ക്കെ ഉയര്ത്തി വച എന്റെ കണ്ണട അവള് നേരെ മുഖത്തേക് പിടിച്ചു വച്ച് പറഞ്ഞു എന്നെ നോക്കൂ ഞാന് മുന്നില്നിന്നിട്ടും കാണാന് വയ്യേ . ഞാന് പറഞ്ഞു എനിക്ക് താത്പര്യം ഇല്ല പിന്നെ നോക്കാം എന്ന് . അവള് അതോടെ എന്നെക്കൊണ്ട് ഗുണം ഇല്ല എന്ന് കണ്ടു അവിടെനിന്നും നടന്നു പോയി . നേരത്തെ എന്നെ നോക്കി ചിരിച്ച നൈജീരിയന് അപ്പോഴേക്കും തിരികെ വന്നു കയറി .നേരെ എന്റെ അടുത്തു വന്നു താത്പര്യമുണ്ടോ എന്ന് ചോദിച്ചു . ഞാന് പറഞ്ഞു ഇല്ല എന്ന് അതോടെ അവള് വേറെ ആളെ തിരക്കി പോയി. ഇറങ്ങാം പന്ത്രണ്ടു കഴിഞ്ഞു എന്ന് കൂട്ടുകാരന് പറഞ്ഞു . ഞങ്ങള് പുറത്ത് എത്തിയപ്പോള് പുള്ളി പറഞ്ഞു ഇനി ഡാന്സ് കണ്ടില്ല എന്ന് വേണ്ട ദേ അവിടെ കയറിവാ എന്ന് . എന്നെ വാതില്ക്കല് കൊണ്ട് വിട്ടു പുള്ളിക്കാരന് മുങ്ങി . അകത്തേക്ക് കയറുമ്പോള് സ്റ്റെജില് ആറേഴു തമിഴ് പെണ്ണുങ്ങള് നിരന്നു നിന്ന് നൃത്തം ചെയ്യുകയാണ് പാട്ടിനു അനുസരിച്ച് . കുറച്ചു ആള്ക്കാരെ ഉണ്ടായിരുന്നുള്ളൂ കാഴ്ചക്കാര് . ഭംഗിയായി സാരി ചുറ്റിയ രണ്ടു സ്ത്രീകള് അടുത്തു വന്നു ഒരാള് ബിയര് എടുക്കട്ടെ എന്ന് ചോദിച്ചു .വെറുതെ കയറി ഡാന്സ് കണ്ടാല് തമിഴന്റെ തെറി കേള്ക്കേണ്ടി വരുമെന്നുകരുതി ഞാന് ഒരു ബിയര് ഓര്ഡര് ചെയ്തു കഴിച്ചു കൊണ്ടിരുന്നു ഡാന്സ് വീക്ഷിച്ചു . അപ്പോഴേക്കും കൂട്ടുകാരന്റെ തല വാതില്ക്കല് കണ്ടു . ഞാന് ബിയര് പൂര്ത്തിയാക്കി എഴുന്നേറ്റു പുറത്തേക്ക് വന്നു . സമയം എതാണ്ട് ഒരു മണിയോട് അടുക്കുന്നുണ്ടായിരുന്നു . തിരികെ ടാക്സിയില് കൂട്ടുകാരന്റെ വീട്ടില് എത്തി . അവിടെക്കിടന്നു സുഖമായി ഉറങ്ങി . രാവിലെ പുറത്ത് പോയി കാപ്പിയും കഴിച്ചു അദ്ദേഹം എന്നെ മെട്രോയില് വിട്ടു . മെട്രോയും ബസ്സും ആയി ഞാന് റൂമില് തിരികെ എത്തി . മനസ്സില് ഡാന്സ് ബാര് എന്ന സങ്കല്പം മൊത്തത്തില് മാറുകയും അവിടേക്ക് പുതിയ അനുഭവം കയറി ഇരിക്കുകയും ചെയ്തു . ജീവിതത്തെ അറിയുവാനും കാണുവാനും അനുഭവങ്ങള് ആവശ്യമാണ് . അറിവുകള് പലപ്പോഴും സമൂഹത്തിനു ഇഷ്ടമാകുന്ന ഫോര്മാറ്റിനു ഉള്ളില് ഉള്ളതാകണം എന്നില്ല . ഊഹിച്ചു കൂട്ടുന്നവയ്ക്ക് ഒരിക്കലും യാഥാര്ത്ഥ്യവുമായി പുലബന്ധം പോലും ഉണ്ടാകില്ല . അത് പലപ്പോഴും അനുഭവിച്ചു അറിഞ്ഞിട്ടുള്ളതാണ് . അതിനാല് തന്നെ ഈ യാത്ര എനിക്ക് വളരെ ഉപകാരപ്പെട്ടു . എനിക്ക് എന്നെ അറിയാനും ഇതിലൂടെ കഴിഞ്ഞു . അതെന്ത് എന്നു ചോദിച്ചാല് ലൈംഗികതയോടോ , അത്തരം വികാരങ്ങളോടോ കൂടിയല്ലാതെ അപരിചിതരായ സ്ത്രീകളോട് വളരെ അടുത്തു പെരുമാറാനും സംസാരിക്കാനും കഴിയുന്നു എന്നതും അവരെ ലൈംഗികതയോട് കൂടിയല്ലാതെ നോക്കാനും മുഖം നോക്കി മാത്രം സംസാരിക്കാനും എനിക്ക് കഴിയുന്നുണ്ട് ഇപ്പോഴും എന്നുള്ള എന്റെ അനുഭവം എന്നോടുള്ള എന്റെ ബഹുമാനത്തിനു ആക്കം കൂടി എന്നത് തന്നെ സ്നേഹത്തോടെ ബി.ജി.എന് വര്ക്കല.
No comments:
Post a Comment