ജീവിതം

 അകലങ്ങളില്‍ ജീവിതങ്ങള്‍ വീണ്ടും
അകലുവാന്‍ വേണ്ടിയോ പുഷ്പ്പിക്കുവതിങ്ങനെ .
പകലുകള്‍ തന്‍ ഉഷ്ണവാതങ്ങള്‍ കടന്നു
രാവില്‍ പുതയ്ക്കുന്നു ശീതവിഷാദമേ പറയുക നീ!

സമരേഖകള്‍ ജീവിതമെന്നും
കാല്പനികം പ്രണയമെന്നും
നോവുകള്‍ തന്‍ പുഴയെന്നും
സ്നേഹ സാഗരമെന്നും
വിരഹ മേഘമെന്നും
പലതാണ് ചിന്തകള്‍ തന്‍ സൗരഭം
പാരില്‍ പ്രണയത്തിന്റെ ചിറകുകള്‍ക്കെന്തു ഭംഗിയെങ്കിലും!

വെറുതെ മരിക്കുവാന്‍ വേണ്ടിയെങ്കിലും
ഉരുവാകുന്നു ജന്മങ്ങള്‍ നിരന്തരം
ശാപങ്ങള്‍
ഭാരങ്ങള്‍
രാഗമോഹങ്ങള്‍
നിരാശതന്‍ ആഴങ്ങള്‍
മരണത്തിനപ്പുറം മടുപ്പിക്കും ശൂന്യത,
ഒക്കെയും താണ്ടുന്നു മിഴിയടക്കും വരെയും വൃഥാ !
--------------------------------ബിജു ജി നാഥ്
http://www.malayaalam.com/Home/BADetails/1873