.ശബ്ദമൗനങ്ങൾ.
.................................
ഞാൻ യാത്രയിലാണ്
നിൻ്റെ പ്രണയ ഞരമ്പുകളിലൂടെ
നിന്റെ ഹൃദയത്തിലേക്ക്.
ഞാൻ യാത്രയിലാണ്
നിൻ്റെ മിഴി വരമ്പുകളിലൂടെ
നിൻ്റെ കരളിലേക്ക്.
ഞാൻ യാത്രയിലാണ്
നിൻ്റെ അധരങ്ങളിലൂടെ
നിൻ്റെ മനസ്സിലേക്ക്.
എവിടെയോ നഷ്ടപ്പെട്ടു പോയ
എന്നെ എനിക്ക് വീണ്ടെടുക്കണം.
തുലാമാസ രാവുകളിലെ
ഇരുണ്ട മഴച്ചാലുകൾ നീന്തിക്കടന്ന്
നിൻ്റെ പ്രണയത്തിൻ്റെ ഉപ്പുരസം രുചിക്കണം.
ഞാൻ മരിച്ചു പോയെന്ന് ലോകം
നിന്നോട് പറയുമ്പോൾ
നീ എന്നെ ഓർക്കുന്നുവെന്നും
ഞാൻ നിന്നിൽ മരിച്ചിട്ടില്ലെന്നും
സാക്ഷ്യം പറയാൻ
എന്താണ് ഞാൻ വിട്ടുനൽകേണ്ടത്....
ഞാൻ ഏകനാണെന്ന്
നിന്നോട് ഞാൻ പറഞ്ഞു കഴിഞ്ഞതല്ലേ ......
@ബിജു ജി.നാഥ്
No comments:
Post a Comment