വായനയോളം വലുതായെന്തുണ്ട് ?
----------------------------------------
വേനലിന്റെ മധ്യത്തില്‍ നിന്നാകാം
വസന്തത്തിന്റെ പകുതീയിലുമാകാം
പടിവാതിലില്‍ നിന്നൊരു ചെറുശബ്ദം
നിന്റെ ശയ്യാഗൃഹ നിശബ്ദത ഭേദിച്ചത്.
കരിനീലപടരും കണ്‍തടങ്ങളില്‍
ഇരുളിമനല്‍കുന്ന നിദ്രയേതുമേ
പലകുറി നിന്നോടു പറഞ്ഞതാകണം
അതിഥികളില്ലാത്തൊരു ജീവിതത്തെ .
വിടര്‍ന്ന് നില്‍ക്കുമധരങ്ങള്‍ എന്നും
വിറകൊണ്ടിരുന്നത് വെറുതെയാമോ?
അരുതെന്ന് പറയാന്‍ കഴിയുമെന്നുള്ള
അഹങ്കാരമെന്നോ ജനിച്ചതല്ലേയുള്ളില്‍.
മഴപെയ്തു തോര്‍ന്നപ്പോലുള്ളത്തില്‍
നിറയും നിശബ്ദത തന്‍ തണുപ്പില്‍
എരിയുന്ന മനസ്സിന്റെ താപമണയ്ക്കാന്‍
പരതുന്നക്ഷരങ്ങള്‍ നീയാര്‍ത്തിയോടെ .
@ ബിജു .ജി നാഥ്
No comments:
Post a Comment