ഒരു പേരിലെന്തിരിക്കുന്നു. ?
................................................
ചിലപ്പോഴൊക്കെ വേദനിപ്പിക്കുന്ന ഒന്നാണത്.
ഓർക്കാപ്പുറങ്ങളിലേക്ക് പൊടുന്നനെ അത് പതിക്കും.
നിങ്ങൾക്കതിനെ എന്തു പേരും ഇടാം.
വിശേഷണങ്ങൾക്കപ്പുറം
അത് നിങ്ങളെ എത്രയാഴങ്ങളിൽ നോവിച്ചിരിക്കാം.
നഷ്ടപ്പെട്ടു പോകുമെന്ന ഭയം കൊണ്ടാകാം
എത്ര വേദനയിലും വീണ്ടും ഉറവ പാെട്ടുക!
കാത്തിരിക്കാൻ മനസ്സുണ്ടാകണം.
മരണം വരെയും ചിലപ്പോൾ കാത്തിരിപ്പുണ്ടായേക്കാം.
പറഞ്ഞല്ലോ !
നിങ്ങൾക്കതിനെ എന്തു പേരുമിടാം.
പേരുകൾക്കപ്പുറം വികാരത്തിലുറയുന്ന
വേദനയെ എന്തു വിളിക്കും?
@ബിജു.ജി.നാഥ്
No comments:
Post a Comment