ഭ്രാന്തമായ ലോകം ഭ്രാന്തില്ലാത്ത ഒരാൾ!
...........................................................................
എന്നെ ഉപേക്ഷിക്കപ്പെട്ട നിലയിൽ ഞാൻ കണ്ടെത്തിയ ചളിക്കുണ്ടിൽ നിന്നും ഞാൻ ഇങ്ങനെ പറയുകയുണ്ടായി.
നഷ്ടപ്പെടുന്ന പകലുകൾക്കും
വ്യർത്ഥമാകുന്ന സായന്തനങ്ങൾക്കും
ഉണ്മനഷ്ടമാകുന്ന രാവുകൾക്കും മേലെ
ഞാൻ നീയെന്ന ഉടയാട വലിച്ചിടുന്നു
എനിക്ക് വേണ്ടി കരയാൻ മടിക്കുന്ന
ഹൃദയരാഗങ്ങളേ നിങ്ങളറിയുക
ചരിത്രം നിങ്ങളെ അടയാളപ്പെടുത്തുക
ബുദ്ധിയുള്ളവർ എന്നു മാത്രമാകും:
എന്നെയോർത്ത് വിലപിക്കുന്നവരേ
നിങ്ങൾ അതിഹൃദയശൂന്യരും
അപലപനീയരുമത്രേ!
എന്തെന്നാൽ
അവസാന നാളുകളിൽ
നിങ്ങളതറിയും വരേക്കും
ഞാൻ വാഴ്ത്തപ്പെട്ടവരുടെ ഇടയിലായിരിക്കുമല്ലോ.
നിങ്ങൾക്ക് ചിരിക്കാൻ കഴിയുന്നതിനാൽ
വാർദ്ധക്യം ബാധിക്കാതിരിക്കട്ടെ.
നിങ്ങൾക്ക് കരയാനാകുന്നതിനാൽ
അഴകു വർദ്ധിക്കട്ടെ.
ചിതയിലെരിയാൻ ഒന്നും ബാക്കിയില്ലങ്കിലും
എനിക്ക് കത്താതെ വയ്യ...
എന്നെ ഉപേക്ഷിക്കുന്നതിൽ പ്രിയരേ
നിങ്ങളിലുപേക്ഷയും വേണ്ട.
ഞാൻ ,
മരിച്ചവർക്കിടയിലെ ജീവനുള്ളവനല്ല.
ഞാൻ മൃതമായ ലോകത്തിലെ ഒരേയൊരു ജീവൻ.
@ബിജു.ജി.നാഥ്.
No comments:
Post a Comment