വിടരുമീ മന്ദഹാസം പകലിന്റെ
നിറുകയില് തണലായി വീഴവെ
പറയുക നീ സഖീ മമജീവനില്
പടരുമോ രാഗാര്ദ്ര ലോലയായ് .
മൃദുഭാഷ മൊഴിയുന്ന മധുരാംഗി
നിന് മണിമാറില് ചായുമീയെന്
അധരങ്ങള് തേടും മധുപാത്രമരു-
മയായി ചൊടികളിലേകുകില്ലേ .
കനിവിന്റെ ചെപ്പിലെ കനിമഴ
കരളില് പകര്ന്നു തരികയില്ലേ
ഇരുളില് മഴപ്പക്ഷിതന് ഗീതകം
അത് നമ്മള് മൂളിയ ഗാനമല്ലോ.
പടരും വനനദീതീരത്തിലീയ-
രുമഹരിണം മമജീവതിലകമായ്
ഇടറാന് കൊതിച്ചൊരു മനവും മധു
പകരാന് കൊതിക്കുമീയധരവും .
പുലരികള് സന്ധ്യകള് മിഴിപൂട്ടി
അലയും രജനികളുമെന്നാല്
മമസഖി നമ്മിലൊരാളുമിനിയ-
കലുവതെങ്ങനെ മൃതിയില്ലാതെ.
നിറുകയില് തണലായി വീഴവെ
പറയുക നീ സഖീ മമജീവനില്
പടരുമോ രാഗാര്ദ്ര ലോലയായ് .
മൃദുഭാഷ മൊഴിയുന്ന മധുരാംഗി
നിന് മണിമാറില് ചായുമീയെന്
അധരങ്ങള് തേടും മധുപാത്രമരു-
മയായി ചൊടികളിലേകുകില്ലേ .
കനിവിന്റെ ചെപ്പിലെ കനിമഴ
കരളില് പകര്ന്നു തരികയില്ലേ
ഇരുളില് മഴപ്പക്ഷിതന് ഗീതകം
അത് നമ്മള് മൂളിയ ഗാനമല്ലോ.
പടരും വനനദീതീരത്തിലീയ-
രുമഹരിണം മമജീവതിലകമായ്
ഇടറാന് കൊതിച്ചൊരു മനവും മധു
പകരാന് കൊതിക്കുമീയധരവും .
പുലരികള് സന്ധ്യകള് മിഴിപൂട്ടി
അലയും രജനികളുമെന്നാല്
മമസഖി നമ്മിലൊരാളുമിനിയ-
കലുവതെങ്ങനെ മൃതിയില്ലാതെ.
@ബിജു.ജി.നാഥ്
No comments:
Post a Comment