Thursday, July 30, 2015

കാത്തിരിപ്പ്


ഓർക്കാനെനിക്കു നീ തന്നൊരു രാവിന്റെ
മായ്ക്കാനാവാത്ത നാഴികകളെങ്കിലും
ഓർക്കാനെനിക്കതു മധുരമീ ജീവന്റെ
നീർക്കുമിള പൊട്ടുന്ന കാലം വരേയ്ക്കുമേ.

കാലം വരും പോകും വേഗതയാർന്നൊരു
പിന്നോട്ടു നോക്കാത്തശ്വരഥമെങ്കിലും ,
പോകാൻ മടിച്ചിന്നു നിൽപ്പൂ മനസ്സിന്റെ
കാലടിപ്പാടുകൾ മുന്നിലെക്കൊരു പടി .

നീ കണ്‍മറഞ്ഞൊരാരാവിന്നിപ്പുറമിന്നോളം
പൂത്തില്ലമമപിച്ചകവാടിയെങ്കിലും ,ഞാൻ
മറക്കാതെ പരിപാലിക്കുന്നുണ്ട് നിത്യമാ
പൂക്കാമരത്തെ പ്രതീക്ഷതൻ വളമേകി.
----------------------------------------ബിജു ജി നാഥ് 

2 comments:

  1. പ്രതീക്ഷയോടെയുള്ള കാത്തിരിപ്പ്!
    അതല്ലേ ജീവിതം
    ആശംസകള്‍

    ReplyDelete
  2. പ്രതീക്ഷ തന്നെ ജീവിതം

    ReplyDelete