ഗ്രീഷ്മതാപം
..........................
നിൻ്റെ മുലക്കണ്ണിലേക്ക്
ഞാനെൻ്റെ വെയിൽപ്പല്ലുകളാഴ്ത്തുന്നു.
അധികഗ്രീഷ്മ താപത്താൽ
നിൻ്റെ മുലകൾ വിങ്ങിപ്പൊട്ടുന്നു.
നീ , മഴയായും പേമാരിയായും
എന്നിലേക്ക് പെയ്തിറങ്ങുന്നു.
ചുട്ടുപഴുത്ത ലോഹത്തിൽ
ജലത്തുള്ളികളെന്ന പോലെ
നീ പൊള്ളിയടരുന്നു.
ഞാൻ മരുഭൂമിയിലേക്ക് പലായനം ചെയ്യുന്നു.
നിൻ്റെ മുലക്കണ്ണുകൾ വിണ്ടു കീറുന്നു.
ഗ്രീഷ്മമേ ഗ്രീഷ്മമേ എന്ന്
നീ വിലപിക്കുന്നു.
ഉരുകാത്ത ലോഹം പോലെ
ഹിമകണങ്ങളിൽ പുതഞ്ഞ ഞാൻ
നിൻ്റെ ആലിംഗനം കൊതിക്കുന്നു.
നിസംഗമായി കാലം മാത്രം
പതിവുപോലെ മുന്നിലേക്കോടുന്നു.
@ ബി.ജി.എൻ വർക്കല
No comments:
Post a Comment