ഐകമത്യം മഹാബലം

ഐകമത്യം മഹാബലം 

പതിതരല്ല നാമെന്നു പറയുവാൻ 

അരുത് താമസമിനിയും സഹജരെ. 

ജനിച്ചതേത് യോനിയെന്നല്ല നാം 

ജീവിക്കുന്നതേത് ലോകത്തെന്നറിയുക. 

നൂറ്റാണ്ടുകളുടെ ശാപം പേറി 

യാത്ര ചെയ്യുന്നവർ നാം 

അടച്ചു പൂട്ടി അലമാരയിൽ വയ്ക്കാൻ 

അലങ്കാര വസ്തുക്കളല്ലന്നു പറയാൻ .

ഇല്ല നമുക്കിടയിലൊരു നൂലിട 

വർഗ്ഗവിവേചനമെന്നുറക്കെയോതുവാൻ 

പോരുക നാമൊന്നിച്ചിന്നീ പാരിലൊരു 

പുതിയ പ്രഭാതം വിടർത്തുക. 

"ജാതിഭേദം മതദ്വേഷം 

ഏതുമില്ലാതെ സർവ്വരും 

സോദരത്യേന വാഴുന്ന മാതൃകാ " 

ലോകമുണ്ടാകുവാൻ. 

കോർക്കുക കരങ്ങൾ നാം 

നേരിടുക ഫാസിസ മുന്നേറ്റങ്ങളെ 

പോരുക മാനവാ ഒന്നുചേരാം 

ജീവിതം അടിമത്തമല്ലെന്നോതുവാൻ. 

ഇല്ല വിവേചനം നമ്മിലെങ്കിൽ 

വന്നു ചേര്‍ന്നെന്‍ കൈ കോർക്കുക. 

വരിക നമുക്കിനി മുന്നേറാം 

ഒരുമിച്ചൊന്നായൊരേ മനസ്സായി.

 ബി.ജി.എൻ വർക്കല