നിസംഗത.
...................
ഒരു കവിത കൂടി കുറിയ്ക്കുവാൻ ഞാനെൻ്റെ
ഹൃദയത്തിലേക്കൊന്നു നോക്കി.
ഒരു വരി തിരഞ്ഞു ഞാനാഴങ്ങളിൽ
പിടഞ്ഞൂളിയിട്ടങ്ങിങ്ങലഞ്ഞു.
ഭീതിപൂണ്ടുള്ള മൗനം നിറഞ്ഞവിടാകെ
ഇരുളു മൂടിക്കിടക്കുന്നു.
ചോര മരവിക്കും തണുപ്പുള്ളവിടൊരു
കാറ്റുപാേലും വീശതില്ല.
പ്രണയം, കാമം,വാത്സല്യമതിലേറെ
ക്രോധം നിറഞ്ഞോരിടത്തിൽ
ഇലവീഴും ശബ്ദവും ഇടിനാദമാകുന്ന
ജാലം തീർത്തിതാ മൗനം.!
@ബിജു ജി.നാഥ്
No comments:
Post a Comment