പ്രണയം കാത്തിരിപ്പിൻ്റെ മധുരമാണ്
..................................................
പ്രണയമേ നിൻ്റെ കാലൊച്ച കേൾക്കുമ്പോൾ
ഹൃദയം തുടിക്കുന്നുവല്ലോ!
എൻ്റെ ഹൃദയം തുടിക്കുന്നുവല്ലോ.
പ്രണയമേ നിൻ്റെ നിശ്വാസം കേൾക്കവേ
എൻ മനമെന്തു പിടയുന്നുവെന്നോ
എൻ മനമെന്തു പിടയുന്നുവെന്നോ.
അറിയുന്നുവോ പ്രിയസഖീ ജീവൻ്റെ,
മൃദുവീണ നീ,യെനിക്കെന്ന്.
കേൾക്കുന്നുവോ മനം പിടയുന്ന നോവിൻ
വിരൽ മീട്ടും ശോകാർദ്രഗീതം.!
കടലാകെ ആർത്തിരമ്പീടുകിൽ,
കാർമേഘധ്വനിയാകെ അട്ടഹസിച്ചീടിൽ.
കാറ്റിൻ്റെ ഹുങ്കാരമേളം തിമർക്കിൽ,
തരിപോലുമിളകില്ല മനമെങ്കിലും
നിൻ്റെ മിഴിമുന കൊൾകിലോ ധന്യേ,
മമഹൃദയം പൊടിഞ്ഞു പോകുന്നു.
കാത്തിരിപ്പാണെൻ്റെ ജീവൻ നിത്യവും
നിന്നെ ഓർത്തിരിക്കാൻ മാത്രമറിവൂ !
ഞെട്ടറ്റ് മണ്ണിൽ വീണലിയുന്ന പത്രമായ്
മാഞ്ഞു പോകും വരേയ്ക്കുമെന്നും
കാത്തിരിപ്പാണെൻ്റ ജീവൻ
പ്രതീക്ഷ തൻ ഭാഗ്യനക്ഷത്രമേ നിന്നെയും കാത്ത്.!
.... ബിജു.ജി.നാഥ്
No comments:
Post a Comment