ഓർമ്മ മധുരം
..........................
ഒരു രാത്രി കൂടിയകലുന്നു !
പകലിൻ ഉഷ്ണരേണുക്കൾ പടരുന്നു.
പുലരിതൻ ചോപ്പ് കവിളിലണിഞ്ഞ്
പ്രിയതേ , നീയും അരികിൽ നിൽക്കുന്നു.
ആദ്യ രാവിൻ്റെ നോവു കിനിയും
ആത്മവേദനയാൽ കുനിഞ്ഞ ശിരസ്സുമായി
വിമ്മി നില്ക്കുന്ന നിൻ്റെ കപാേലങ്ങളിൽ
ഉമ്മ വച്ചു ഞാൻ വാരിപ്പുണരുന്നു.
തണ്ടൊടിഞ്ഞൊരു താമരപോലെ നീ
വീണിടുന്നു എൻ മാറിലായാർത്തിതാ
നിൻ്റെ നീളൻ നഖമുനകൾ പുറത്താകെ
കീറിമുറിയുന്ന നീറ്റലെന്നിൽ പുകയുന്നു.
വർദ്ധിതമാം സ്നേഹത്താൽ എൻ പ്രിയേ
സ്വന്തമാക്കുന്നു നിന്നധരം ഞാനുമേ
മാരിവില്ല് തെളിയുന്നൊരാകാശം
നോക്കുവാനാകാതെ കൂമ്പുന്നു നിൻ മിഴി.
കാറൊളി പൂണ്ട മാനത്ത് നിന്നതാ
മാഞ്ഞു പോകുന്നു കാളിമ മെല്ലെയായ്
സൂര്യരശ്മികൾ കൊണ്ടൊരു പുതപ്പിതാ
നമ്മെ മൂടുന്നു, നാമകന്നീടുന്നു ലജ്ജയാൽ .
@ബിജു.ജി.നാഥ്
No comments:
Post a Comment