നമുക്കിതിനെ ജനാധിപത്യം എന്നു വിളിക്കാം.
..............................
നീലക്കഥകൾ നിർമ്മിച്ചും
നനഞ്ഞകതിനകൾ പൊട്ടിച്ചും
പൊള്ള വാഗ്ദാനങ്ങൾ നല്കിയും
അവർ രാജ്യതന്ത്രങ്ങൾ മെനയുമ്പോൾ
സത്യമേത്
മിത്യയേത്
ജീവിതചക്രം ചവിട്ടാനുള്ള വിദ്യയേത്?
അറിയാത്ത പിള്ള ചൊറിയുമ്പോൾ അറിയുമല്ലോ.
കാത്തിരിക്കാൻ വീണ്ടും പഞ്ചവത്സര പദ്ധതികൾ
അധികാരം ഉറപ്പിക്കാൻ
'മിഥുന'ത്തിലെ തേങ്ങ പൊട്ടിക്കൽ.
കഴുതകളെന്ന് പേർത്തും പേർത്തും
വിളി കേൾക്കാൻ വിധിക്കപ്പെട്ടോർ
വിരൽ നീട്ടിക്കൊടുക്കുന്നു വീണ്ടും വീണ്ടും.
മസ്തിഷ്ക പ്രക്ഷാളനം ചെയ്യപ്പെട്ട
വെറും കഴുതകൾ.....
നമുക്കിതിനെ 'ജനാധിപത്യം' എന്നു വിളിക്കാം.
@ബിജു.ജി.നാഥ്.
No comments:
Post a Comment