ഫേസ്ബുക്കികൾ
....................................
തിരഞ്ഞെടുപ്പു വന്നു.
അവർ , തങ്ങളുടെ കളസം ഊരിക്കളയുകയും
താന്താങ്ങളുടെ നിറകൗപീനങ്ങൾ കാട്ടുകയും ചെയ്തു.
പച്ച
ചുവപ്പ്
മഞ്ഞ
മൂവർണ്ണം
കാവി :........
അനന്തരം
തിരഞ്ഞെടുപ്പു കഴിഞ്ഞു.
പതിയെപ്പതിയെ
ചിലർ കളസത്തിന് പുറത്തും
ചിലർ തിരികെ അകത്തും
കൗപീനം മറയ്ക്കുകയും
താന്താങ്ങളുടെ
ജനാധിപത്യ
മതേതരത്വ
നിഷ്പക്ഷ
ഫാഷിസ കാഴ്ചപ്പാടുകളെക്കുറിച്ച്
വാ തോരാതെ പറയുകയും
വാൾ നിറച്ച് എഴുതുകയും
വരയ്ക്കുകയും തുടങ്ങി.
......@ ബിജു ജി നാഥ്
No comments:
Post a Comment