ആരുമല്ലാതായ ആരോ ഒരാൾ.
......................................................
പ്രിയങ്ങളിൽ നിന്നൊക്കെയകലേക്ക്
പറയാതെ പോകുന്ന കാലം വരുമ്പോൾ !
വരും ചിലരൊക്കെയെങ്കിലും മൗനത്താൽ
ഒരു നോക്കിനന്ത്യ സൗരഭ്യം നല്കുവാൻ.
ഉറപ്പിച്ചു പോകും .തിരിച്ചിനി വരില്ലെന്നും
മുള്ളുകൾ തറപ്പിച്ച് വേദനിപ്പിക്കില്ലെന്നും.
സംശയങ്ങൾ കൊണ്ട് കെട്ടുന്ന വേലികൾ,
വാക്ശരം കൊണ്ടു കീറുന്ന ഹൃദയവും.
ഓർമ്മയാണെല്ലാമെന്ന വാസ്തവമുറപ്പിച്ചു
യാത്രയാകാനിനി മാനസം സജ്ജമാക്കട്ടെ.
ചിന്തുവാനില്ല കണ്ണീരിൻ ചിന്ത് തെല്ലെങ്കിലും
പുഞ്ചിരിയായ് മറയും പുണ്യമാകട്ടെ ജന്മം.
.... ബി.ജി.എൻ വർക്കല
No comments:
Post a Comment